فەرمى.. پیرێز وەک سەرۆکى ڕیاڵ مەدرید هەڵبژێردرایەوە
.jpg)
وێستگە سپۆرت-
یانەی ڕیال مەدرید ڕایگەیاند، فلۆرێنتینۆ پێرێز تا ساڵی 2029 لە پۆستەکەی وەک سەرۆکی یانە شاهانە بەردەوام دەبێت.
ڕیال مەدرید لەسەر داوای پێرێز لە ٧ی مانگی یەکدا دەرگای کاندیدکردنی بۆ سەرۆکایەتی یانەکە و دەستەی کارگێڕی بۆ چوار ساڵی داهاتوو کردەوە.
فلۆرێنتینۆ پێرێز بۆ یەکەمجار 25 ساڵ لەمەوبەر لە ساڵی 2000 بووە سەرۆکی یانەی ڕیال مەدرید.
لە ساڵی 2004 دووبارە هەڵبژێردرایەوە، و لە ساڵی 2009 گەڕایەوە بۆ سەرۆکایەتی یانەی ڕیال مەدرید، لەو کاتەوە ئەو پۆستەی بەدەستەوەیە.
لە نێوان تیپی تۆپی پێ و تۆپی باسکە، نازناوی ڕیاڵ مەدرید لە سەردەمی پێرێز گەیشتە ٦٥ نازناو.
لەژێر سەرکردایەتی پێرێز ڕیال مەدرید 7 نازناوی چامپیۆنزلیگی بەدەستهێنا (2000، 2002، 2014، 2016، 2017، 2018، 2022)، هەروەها 5 نازناوی جامی جیهانی یانەکانی بەدەستهێنا.
هەروەها یانەکە 3 جامی شای ئیسپانیا و 7 جامی سوپەری ئیسپانیا و 7 نازناوی خولی ئیسپانی بەدەستهێنا.
AM:10:19:20/01/2025
ئه‌م بابه‌ته 260
جار خوێنراوه‌ته‌وه