ئەڵمانیا دوای مانچستەر یونایتد دەبێتە شوێنی ڤان نیستلرۆی
وێستگە سپۆرت-
ئیدارەی هامبۆرگی ئەڵمانی بیر لەوە دەکاتەوە گرێبەست لەگەڵ ڕود ڤان نیستلرۆی هۆڵەندی بکات بۆ ئەوەی ئەرکی ڕاهێنەرایەتی یانەکە بگرێتە ئەستۆ.
تۆڕى سکاى سپۆرت ئاماژەی بەوە کردووە کە هامبۆرگ بیر لە گواستنەوەی ڤان نیستلرۆی دەکاتەوە دوای دوورخستنەوەی ستیفن باومگارتی ڕاهێنەر.
تۆڕەکە ئاماژەی بەوەشکردووە، ڤان نیستلرۆی تەمەن 48 ساڵ کە پێشتر لە هامبۆرگ یاریی کردووە، لە لیستی پاڵێوراوانی ڕاهێنەرایەتی تیپەکەدایە، هەروەها بە دیارترین کاندید دادەنرێت بۆ بەدەستهێنانی ئەو پۆستە.
شایانی باسە هامبۆرگ پلەی هەشتەمی ڕیزبەندی خولی پلە دووی ئەڵمانی بەدەست هێناوە.
AM:11:35:25/11/2024
ئه‌م بابه‌ته 300
جار خوێنراوه‌ته‌وه