ڕیچارلیسۆن هێرش دەکاتە سەر بەرپرسانى باڵۆن دۆڕ
.jpg)
وێستگە سپۆرت-
ڕیچارلیسۆن پەیامێکی توندی نارد، دوای ئەوەی ڤینیسیۆس جونیۆری هاونیشتیمانییەکەی نەیتوانی خەڵاتی باڵۆن دۆر بەدەستبهێنێت، وەک باشترین یاریزانی جیهان بۆ ساڵی ٢٠٢٤.
ڕیچارلیسۆن لە ڕێگەی ئەکاونتی تایبەتی خۆی لە ئینستاگرام نووسیویەتی: ئەمڕۆ هەموو ئەو بەڕازیلیانەی کە تۆپی پێیان خۆشدەوێت لە خەو هەڵسان و چاوەڕێی ئەوە بوون یاریزانێکی دیکەی وڵاتەکەمان دوای ماوەیەکی زۆر خەڵاتی باشترین جیهان بەدەستبهێنێت.
لە درێژەی قسەکانیدا وتی: بەداخەوە بەهۆی پێوەرێکەوە کە کەس ناتوانێت لێی تێبگات، ئەمە بە هەڵە تێم مەگەن، ڕۆدری یاریزانێکی گەورەیە، شایەنی ئەوەیە لە باشترینەکان بێت.
وتیشی: بەڵام ڤینى توشى سەرسوڕمانى کردین کە نەبووە براوەى خەڵاتەکە ، تاکە دۆڕاو ئەمڕۆ تۆپی پێیە.
ئاماژەى بەوەش کرد : "بیرمە ڤینی دەیگوت خەونی ئەوە بوو کە هەموو بەڕازیل چەپڵەی بۆ لێبدات و ئەوە ڕۆژەکە بوو! تۆ گەورەیت و و باشترینی جیهانیت کوڕم! وە هیچ خەڵاتێک ئەوە ناگۆڕێت."
ڕیچارلیسۆن لە کۆتایی پەیامەکەیدا وتی: "بەردەوام بە بەرەو پێشەوە و هەرگیز نەوستین ئێمە پێکەوەین!”
AM:09:54:29/10/2024
ئه‌م بابه‌ته 272
جار خوێنراوه‌ته‌وه