لیڤەرپوڵ جێگرەوەى محەمەد سەڵاحى دیارى کردووە
وێستگە سپۆرت-
یانەی لیڤەرپوڵ بەدیلێکی بەهێزی بۆ محەممەد سەڵاح ئەستێرەی میسری دەستنیشانکرد لە ئەگەرى ڕۆشتنى لە یانەکە
سەڵاح لە لێدوانەکانی دوای یارییەکەی لەگەڵ مانچستەر یونایتد ڕایگەیاندبوو کە کۆتا وەرزی خۆی لە لیڤەرپوول بەسەردەبات، ئەمەش ئاماژەیە بۆ کۆتایی هاتنی گرێبەستەکەی لەگەڵ یانەکەی لە مانگی حوزەیران. ..
بەپێی ڕاپۆرتێک کە ڕۆژنامەی لیڤەرپوول ئیکۆ بڵاویکردووەتەوە، ئیدارەی لیڤەرپوول بیر لە بیرۆکەی گرێبەستکردن لەگەڵ ئیبەرێچی ئیزێی یاریزانی باڵی ئینگلیزی ئەستێرەی کریستاڵ پاڵاس دەکەنەوە، لە ئەگەری ڕۆیشتنی سەڵاح. ..
ئیدارەی لیڤەرپوڵ هەوڵدەدات لەگەڵ سەڵاح ڕێکبکەوێت سەبارەت بە درێژکردنەوەی گرێبەستی نێوان هەردوولا، بەڵام ئیدارەی لیڤەرپوول هەموو سیناریۆ ئەگەرییەکان لەبەرچاو دەگرێت. ..
لیڤەرپوول بە تەنیا نابێت لە کێبڕکێی گرێبەستکردن لەگەڵ ئیزێ، بەتایبەتی مانچستەر یونایتد لە لیستی ئەو یانانەیە ئارەزووی دەکەن. ..
لە ڕاپۆرتەکەدا ئاماژە بەوە کراوە کە ئیزێ لە گرێبەستەکەیدا لەگەڵ کریستاڵ پاڵاس بڕگەیەکی ئازادکردنی هەیە کە بڕی ٦٨ ملیۆن پاوەندە، کە دەکرێت لە ساڵی ٢٠٢٥دا چالاک بکرێت.
ئیزێ لە 128 یاریدا لە سەرجەم پاڵەوانێتییەکان یاری بۆ یانەی کریستاڵ پاڵاس کردووە و 28 گۆڵی تۆمارکردووە.
AM:10:40:10/09/2024
ئه‌م بابه‌ته 260
جار خوێنراوه‌ته‌وه