قوباد تاڵەبانی: لەدەستدانی کەریم شەنگالی مایەی نیگەرانی هەموو ئەو کەسانەیە کە رۆژێک لەڕۆژان کاریان لەگەڵ کردووە
وێستگەنیوز_
قوباد تاڵەبانی، جێگری سەرۆکی حکومەتی هەرێمی کوردستان پرسەنامەیەک ئاڕاستەی خانەوادەی کۆچکردوو کەریم شنگالی دەکات و دەڵێت: کەریم شنگالی لەچەندین وێستگەی جیاوازی ژیانی سیاسەت و دەوڵەتدارییدا رۆڵی بینیوە وەک کەسایەتیەکی نیشتمانی و سەرڕاست.
دەقی پرسەنامەکە:
بەڕێزان خانەوادەی کۆچکردوو کەریم شنگالی
زۆر بەداخەوە هەواڵی کۆچی دوایی کاک (کەریم شنگالی)م بیست.
کۆچکردوو کاک کەریم لەچەندین وێستگەی جیاوازی ژیانی سیاسەت و دەوڵەتدارییدا ڕۆڵی بینیوە وەک کەسایەتیەکی نیشتمانی و سەرڕاست. لەدەستدانی کاک کەریم مایەی نیگەرانی هەموو ئەو کەسانەیە کە رۆژێک لەڕۆژان کاریان لەگەڵ کردووە بەتایبەتیش ئێمە کە لە کابینەی حکومەتی هەرێم کاری پێکەوەیی و دەوڵەتداریمان کردووە.
بۆ ئەم کۆچە، هاوبەشی خەمی خانەوادە و هاوڕێیانی کۆچکردووم و پرسەو سەرەخۆشیان لێ ئەکەم. خوای گەورە لێی خۆش بێت و جێگەی بەهەشت بێت، سەبوری و دڵنەواییش بەهەموو لایەک ببەخشێت.
انا لله وانا الیه راجعون
قوباد تاڵەبانی
جێگری سەرۆکی ئەنجومەنی وەزیران
PM:08:28:10/06/2025
ئه‌م بابه‌ته 524
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت