رووسیا: ده‌مانه‌وێت ئۆكرانیا له‌ چه‌ك داماڵدرێت


وێستگەنیوز_

سێرگی لاڤرۆڤ، وه‌زیری ده‌ره‌وه‌ی رووسیا بەکۆمکاری عەرەبی رایگەیاند، "ئه‌ركی سه‌ره‌كی پرۆسه‌ی سه‌ربازی رووسیا له‌ ئۆكرانیا داماڵینی ئەو وڵاتەیە لە چەک."

دوێنێ پێنجشەممە، لاڤرۆڤ له‌گه‌ڵ شاندی كۆمه‌ڵه‌ی په‌یوه‌ندی تایبه‌ت به‌ ئۆكرانیا له‌ كۆمكاری عه‌ره‌بی، رایگه‌یاند، قه‌یرانی ئۆكرانیا ئه‌و كاته‌ سه‌ریهه‌ڵدا، كه‌ به‌ پشتیوانی هه‌ندێك وڵاتی خۆرئاوایی له‌ 2014دا كوده‌تا كرا و ده‌سه‌ڵات به‌ لاڕێدا برا.

جەختیشی کردەوە لەوەی، "پێشینه‌ی ئه‌ركی سه‌ره‌كی ئێمه‌ ئه‌وه‌یه‌، مه‌ده‌نییه‌كانی دۆنباس بپارێزین، ئۆكرانیا له‌ چه‌ك داماڵین و وڵاته‌كه‌ له‌ نازییه‌كان پاك بكه‌ینه‌وه‌."

هاوکات دووپاتیکردەوە کە، "رووسیا ستایشی هه‌ڵوێستی هاوسه‌نگانه‌ی كۆمكاری عه‌ره‌بی ده‌كات."

 


AM:09:30:23/09/2022


ئه‌م بابه‌ته 288 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو