نەتەوەیەکگرتوەکان: لەسەرەتای جەنگی رووسیا بۆ ئۆکرانیا هەشت ملیۆن هاوڵاتی ئاوارەبوون

ویستگه‌نیوزـ

نزیکەی چوار مانگە هێرشی رووسیا بۆ سەر ئۆکرانیا بەردەوامە و نەتەوەیەکگرتووەکانیش رایگەیاند، زیاتر لە هەشت ملیۆن هاوڵاتی ئۆکرانی ئاوارەی دەرەوەی وڵاتەکەیان بوون و ملیۆنان کەسی تریش ژیانیان لە مەترسیدایە.

کۆمسیۆنی نەتەوەیەکگرتوەکان بۆ کاروباری ئاوارە و پەنابەران رایگەیاند، دوای نزیکەی چوار مانگ زیاتر لە هەشت ملیۆن ئۆکرانی وڵاتەکەیان بەرەو وڵاتانی دراوسێ جێهێشتوە و بەشێک لە هاوڵاتییەکانیش زیاتر لە دەیان کاتژمێر چاوەڕوان بوون تا لەسنوری پۆڵندا بپەڕنەوە.

ئاماژەی بەوەشکرد، نزیكه‌ی 12 ملیۆن هاوڵاتی ئۆكرانی ‌له‌م كاته‌دا پێویستییان به‌ هاوكاری هه‌یه‌، داواشی له‌ وڵاتانی جیهان کرد به‌په‌له‌ یەک ملیار و 700 ملیۆن دۆلاریان بۆ دابین بكه‌ن.

ئەمەش لە کاتێکدایە لە رۆژی 24 شوباتی ئەم ساڵ رووسیا هێرشەکانی بۆسەر ئۆکرانیا دەستپێکرد، تا ئێستاش لەچەند ناوچەیەکی وڵاتەکە شەر لە نێوان هەردوولادا بەردەوامە.

PM:10:53:22/06/2022

ئه‌م بابه‌ته 1288 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت