ئایا خواردنی ئاژەڵی بزن مژە حەڵاڵە؟


وێستگەنیوز_

بزن مژە ناوە زانستییەکەی Monitor Lizard-ە، گیانەوەرێكە لە شێوەی تیمساح، زیاتر لە شوێنی گەرم دەژیت، بەڵام ئێستا بەشێوەیەكی گشتی ژمارەی ئەم گیانەوەرە ڕوو لە كەمبوونە.

ئاژەڵی بزن مژە لە بیابانەکانی نێوان عیراق و سعوودیە بە ئاسانی دەبینردێت بەهۆی ئەوەی سروشتی ژیانی وایە لە شوێنی وشک و گەرمدا دەژیت. 

ئەم ئاژەڵە لە لایەن بەشێکی وڵاتانی ئیسلامییەوە دەخورێت و هەندێک زانا بۆ ئەوە چوون بزن مژە حەڵاڵە، کە ئەمە وتەی هەریەک لە مالکی و شافعی و حەنابلەیە، ئەوەش بە بەڵگە دەهێننەوە کە لەسەر سفرەی پێغەمبەر (د.خ) بینراوە. هەر بۆیە زانایان دەڵێن، "ئەسڵ وایە گۆشتی بزن مژە حەڵاڵە، هیچ بەڵگەی صحیح نەهاتوون بۆ حەرامی، کەواتە لەسەر ئەسل ماوە و حەڵاڵە."

لە بەرامبەردا، هەندێک زانای ئیسلام وەک "عبدالرحمان بن شبل" دەڵێت "مەکروهە" بەڵگەشی ئەوەیە دەڵێت بزن مژە لە حەشەرات وپیسەکانە، حەشەرات و شتی پیسیش حەرامە.

بەڵام زۆرینەی زانایانی ئیسلامی دەڵێن، "وتەی ڕاست وتەی یەکەمە، گۆشتی بزن مژە حەڵاڵە، چونکە فەرموودەی عبدالرحمان بن شبل لاوازە، سەبارەت بەوەی حەشەراتە و شتی پیس دەخوات، نابێتە بەڵگەی ئەوەی حەرامە، خوای گەورە شتی پاکی حەڵاڵ کردووە، ئەم ئاژەڵەش شتی پاک دەخوات نەک شتی پیس.


PM:04:33:16/05/2022


ئه‌م بابه‌ته 7680 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت