ئەمریكا 70 ئۆتۆمبێلی دیکەی رادەستی پێشمەرگە كرد
وێستگه نیوزـ
وتەبێژی هاوپەیمانی نێودەوڵەتی دژی داعش ئاشكرای كرد، ئەمەریكا 70 ئۆتۆمبێلی دیكەی گولـلە نەبڕی سەربازی رادەستی وەزارەتی پێشمەرگە كردووە و بەردەوام دەبن لە هاوكارییكردنی پێشمەرگە بۆ رووبەڕووبوونەوەی تیرۆر.
وەین مارۆتۆ، وتەبێژی هاوپەیمانی نێودەوڵەتی دژی داعش رایگەیاند "لە چوارچێوەی پرۆگرامی پاڵپشتی دارایی و پرچەككردنی ئەمەریكا بۆ رووبەڕووبوونەوەی داعش 70 ئۆتۆمبێلی گوولـلە نەبڕی سەربازی رادەستی وەزارەتی پێشمەرگە كراون".
وتەبێژی هاوپەیمانی نێودەوڵەتی، جەختیكردەوە، بەردەوام دەبن لە هاوكاریكردنی هاوپەیمانەكانیان بۆ بەهێزتر كردن و پڕچەككردنیان، بۆ رووبەڕووبوونەوەی تیرۆر و دابینكردنی ئاسایش و سەقامگیری و پاراستنی دامەزراوەكان.
لەماوەی چەند مانگی ڕابردووش ئەمریكا چەند جارێك ئۆتۆمبێل و كەرەستەی سەربازی پێشكەشی وەزارەتی پێشمەرگە كردووە و بەردەوامە لە هەوڵەكانی بۆ یەكخستنەوەی هێزەكانی پێشمەرگە.
PM:01:05:23/09/2021
ئه‌م بابه‌ته 2060
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت