ژنه پەنابەرێکی عیراق لەسەر سنووری نێوان بیلاڕووس و پۆڵەندا گیانیلەدەستدا
وێستگه نیوز ـ
وەزارەتی دەرەوەی عیراق رایگەیاند، ژنێکی پەنابەری عیراقی لەسەر سنووری هاوبەشی نێوان بیلاڕووس و پۆڵەندا گیانی لەدەستدا.
وەزارەتی دەرەوەی عیراق راگەیەنراوێکی بڵاوکردەوە وتیایدا هاتووە، حکومەتی عیراق بەهەماهەنگی لەگەڵ دەسەڵاتدارانی بیلارووس و پۆڵەندا سەرقاڵی ئاشکرا کردنی هۆکاری گیانلەدەستدانی ئەو ژنە پەنابەرەن.
وەزارەتی دەرەوەی عیراق لە راگەیەندراوەکەیدا ئاماژەی بەوەشداوە، بە بایەخێکی زۆرەوە چاودێریی رووداوی گیانلەدەستدانی هاوڵاتییەکی عیراقی لەسەر سنووری هاوبەشی نێوان بیلاڕووس و پۆڵەندا دەکەن.
هەروەها، لە راگەیەندراوەکەدا هیچ وردەکارییەکی دیکە لەبارەی گیانلەدەستدانی ئەو ژنە پەنابەرە و تەمەن و باری خێزانی نەخراوەتەڕوو.
ئەمە لەکاتێکدایە، لە مانگی ئابی رابردوو، حکوومەتی عیراق رایگەیاند، 690 هاوڵاتی عیراقی ئەوانەی بۆ ماوەی چەند هەفتەیەک بوو لە سنوورەکانی نێوان بیلاڕووس و لیتوانیا گیریان خواردبوو، گەڕێنراونەتەوە بۆ ناو خاکی وڵات.
AM:08:42:20/09/2021
ئهم بابهته 3788
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت