لەئاکرێ دوو پێشمەرگە بەهۆی تەقینەوەی بۆمبێکی چێندراو شەهیدبوون

‌ئەو دوو پێشمەرگەیەی ئەمڕۆ شەهیدبوون

وێستگەنیوز-

دژە تیرۆری کوردستان (CTD) رایگەیاند، ئێوارەی ئەمڕۆ چوارشەممە لە نێوان گوندی کانی تۆز و نێرکێ لە ناحیەی دینارتەی سەر بە قەزای ئاکرێ، بۆمبێکی چێندراو تەقیوەتەوە و بەهۆیەوە دوو پێشمەرگە شەهیدبوون و چەند پێشمەرگەیەکیش برینداربوون.

پەیجی دژە تیرۆری کوردستان (CTD) لەتۆڕی کۆمەڵایەتی فەیسبوک بڵاویکردەوە، "کەمێک بەر لە ئێستا لە نێوان گوندی کانی تۆز و نێرکێ لە ناحیەی دینارتێ، بۆمبێکی چێندراو کە لە لایەن پەکەکەوە دانرابوو، بە ئۆتۆمبێلێکی پێشمەرگەدا دەتەقێتەوە و لە ئاکامدا دوو پێشمەرگە شەهید دەبن."

بەگوێرەی زانیارییەکان لە رێگاى نێوان کانى تۆز- نەقەبێدا کاروانێکى پێشمەرگە تووشى دوو تەقینەووە بوون، دواتر دەنگى تەقەش هاتووە، لە ئەنجامدا دوو پێشمەرگە شەهیدکراون و چەند پێشمەرگەش برینداربوون.
 
ئەو پێشمەرگانەی لەتەقینەوەکەی ئەمڕۆدا شەهید و برینداربوون و پێشمەرگەی روژى روژئاوای کوردستان بوون.

هەرچەندە فەرماندەکانی پێشمەرگە گەریلاکانی پارتی کرێکارانی کوردستان (پەکەکە) بە دانانی بۆمبە چێنراوەکان تۆمەتبار دەکەن، بەڵام تائێستا پەکەکە هیچ رونکردنەوەیەکی لەو بارەیەوە نەداوە.
No description available.No description available.


PM:07:26:15/09/2021


ئه‌م بابه‌ته 3684 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت