بازرگانێک و بەکارهێنەرێکی ماددە هۆشبەرەکان دەستگیرکران
وێستگه نیوز ـ
بە تۆمەتی بازرگانی کردن و بەکارهێنانی ماددە هۆشبەرەکان دوو کەس دەستگیرکراون یەکێکیان دانیشتووی سلێمانیە هەردووکیان لەناو بازاڕی قەڵادزێ دەستگیرکراون و لەگەڵ دەستبەسەرداگرتنی بڕێک لە مادەی هۆشبەر و کەلوپەلی تر.
شۆڕش ئیسماعیل، وتەبێژی بەڕێوەبەرایەتی پۆلیسی راپەڕین بە وێستگە نیوزی راگەیاند: نووسینگەی نەهێشتنی تاوانی پشدەر مکافحە دوو کەسیان بە تۆمەتی بازرگانی کردن و بەکارهێنانی مادە هۆشبەرەکان دەستگیرکرد، بازرگانەکە هەستاوە به فرۆشتنی مادە هۆشبەرەکان و بەکارهێنەرەکەش کڕیار بووە کە جۆرەکەی (کریستاڵ)ە.
تەمەنی تۆمەتبارەکان لەسەروی 18 ساڵە و یەکێکیان دانیشتووی سلێمانیە، هەردوکیان لەناو بازاڕی قەڵادزێ دەستگیر کراون و لەگەڵ دەستبەسەرداگرتنی بڕێک لە مادەی هۆشبەر و کەلوپەلی تر.
لەئێستادا بەبڕیاری دادوەر هەردوکیان بە مادەکانی 25 و 30 لە یاسایی مادە هۆشبەرەکان راگیرکراون و لێکۆڵینەوەش لەگەڵیاندا بەردەوامە.
PM:02:21:15/09/2021
ئهم بابهته 2000
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت