دیندار زێباری: پەسەندكردنی سزای سزادراوانی بادینان پەیوەندی بەحكومەتەوە نییە
وێستگە نیوز-
رێكخەری راسپاردە نێودەوڵەتییەكان لەحكومەتی هەرێم رایدەگەیەنێت، ئەو كەسانەی لەدادگا تاوانبار بوون پەیوەندی بەحكومەتی هەرێمەوە نییە.
دیندار زێباری رێكخەری راسپاردە نێودەوڵەتییەكان لەحكومەتی هەرێم لەكۆنگرەیەكی رۆژنامەوانیدا لەشاری سلێمانی رایگەیاند "ئەو كەسانە لەدادگا تاوانبار بوون و دادگا بڕیاری لەسەر داوە و پەیوەندیدار نییە بە حكومەتەوە"، ئاماژەی بەوەشكردووە "حكومەت تەنیا لایەنی جێبەجێكارە بۆ بڕیارەكانی دادگا"، روونیكردۆتەوە، لە هەرێمی كوردستان ئەنجومەنی داوەری و دەسەڵاتی دادوەری سەربەخۆیە.
دوای نزیكەی سێ مانگ لەسزادانی پێنج رۆژنامەنووس و چالاكوانی ناوچەی بادینان لەلایەن دادگای تاوانی هەولێرەوە بە شەش ساڵ زیندانی، رۆژی سێشەممەی رابردوو دادگای تەمیز بە دەنگی سێ ئەندام، سزادانەكەی پەسەندكرد.
AM:11:51:06/05/2021
ئه‌م بابه‌ته 3556
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت