برێت مەکگۆرک سەردانى هەرێم دەکات و لەگەڵ بەرپرساندا کۆدەبێتەوە
وێستگه نیوز-
ئەمڕۆ شاندێکی باڵای ئەمریکا بە سەرۆکایەتی برێت مەکگۆرک سەردانی هەرێمی کوردستان دەکات، دوای ئەوەی دوێنێ گەیشتنە بەغدا و لەگەڵ بەرپرسانی عێراقدا کۆبوونەوە.
سەفین دزەیی، بەرپرسی فەرمانگەى پەیوەندییەکانى دەرەوەى حکومەتى هەرێم رایگەیاند، بڕیارە ئەمڕۆ چوارشەممە5ى ئایارى 2021، شاندێکی باڵای ئەمریکا بە سەرۆکایەتى برێت مەکگۆرک سەردانى هەرێمى کوردستان بکەن و لەگەڵ سەرۆکى هەرێم و سەرۆکى حکومەتدا کۆببنەوە.
برێت مەکگۆرک، لە ئێستادا لە ئیدارەکەى جۆ بایدن پۆستی رێکخەری کۆشکی سپی بۆ کاروباری خۆرهەڵاتی ناوەڕاست و باکوری ئەفریقای وەرگرتووە.
دوێنێش سێشه‌ممه 5ى ئایارى 2021، نوسینگەی مستەفا کازمی سەرۆکوەزیرانی عێراق لە راگەیەنراوێکدا بڵاویکردەوە، شاندێکی باڵای ئەمریکا بە سەرۆکایەتی برێت مەکگۆرک گەیشتووەتە بەغدا و لەگەڵ هەرسێ سەرۆکایەتییەکەى عێراق کۆبوونەتەوە.
بەپێی راگەیەنراوەکە، هەردوولا پێداگرییانکردووە لەسەر چالاککردنی بڕیارەکانی رێککەوتنی ستراتیجی نێوان عێراق و ئەمریکا بەتایبەتی بابەتەکانی کشانەوەی سوپای ئەمریکا و پەرەپێدانی هاوکاری کردن و فراوانکردنی بواری بازرگانی و کلتوری و ئابوری.
AM:11:45:05/05/2021
ئه‌م بابه‌ته 3264
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت