بەهۆی ژێرئاکەوتنی بەلەمێکەوە بە دەیان کۆچبەر بێسەروشوێنن

وێستگەنیوز-

لە کەناراوەکانی دوورگەی گاڤدۆسی یۆنان بەلەمێکی کۆچبەران ژێرئاکەوتوە و گەڕان بەدوای چارەنووسی بەشێک لە کۆچبەرانی بەلەمەکە بەردەوامە.

بەپێی هەواڵی میدیاكانی یۆنان بێت تیمە فریاگوزارییەكانی وڵاتەكە لە شەوی رابردووەوە پرۆسەی گەڕانیان دەستپێكردوە بۆ رزگاركردنی كۆچبەران لە كەناراوەكانی باشووری شاری خانیا، لە دووری 12.5 میل لە باشووری رۆژئاوای دوورگەی گاڤدۆس.

ئاماژەیان بەوەکردووە، بۆ یارمەتیدانی تیمەكانی فریاگوزاری، دەسەڵاتدارانی یۆنان هێزە ئاسمانی و دەریاییەكانیان ناردووەتە ناوچەكە.

پاسەوانی كەناراوەكانی یۆنان رایگەیاندووە، تاوەكو ئێستا تەنها تەرمی پیاوێك دۆزراوەتەوە و زیاتر لە 39 كەسیش رزگارکراون، بەڵام بەپێی قسەی شایەتحاڵەكان هێشتا دەیان كەسی دیكەی نێو بەلەمەكە بێسەروشوێنن و گەڕان بەدوایاندا بەردەوامە.

PM:05:17:14/12/2024

ئه‌م بابه‌ته 144 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت