سەرۆكایەتی كۆمار داوا لە حكومەتی ناوەندی دەكات بەهاناى هاوڵاتیانی هەرێمی كوردستانەوە بچێت

وێستگه‌نیوز –

سەرۆكایەتی كۆماری عێراق رایدەگەیەنێت، لە نزیكەوە چاودێری بارودۆخی هاوڵاتیانی هەرێمی كوردستان دەكەین، كە رووبەڕووی بارانبارینی چڕ و لافاو بوونەتەوە.

سەرۆكایەتی كۆماری عێراق، لە راگەیەندراوێكدا نووسیوێتی، "بارانبارینی بەچڕ و لافاو كە لەچەند ناوچەیەكی هەرێمی كوردستان روویانداوە بوونەتە هۆی كەوتنەوەی قوربانی و بریندار و زەرەروزیانێكی زۆری مادی".

دوای دەربڕینی خەمووپەژارەیەكی زۆر، سەرۆكایەتی كۆماری عێراق، هاودەنگی تەواوی خۆی دووپاتكردەوە لەگەڵ كەسوكاری قوربانیان و بریندارەكان و هەموو ئەو هاوڵاتیانەی زەرەروزیانیان بەركەوتووە.

داواشی لە لایەنە پەیوەندیدارەكانی حكومەتی ناوەندی كرد، بەپەلە هەماهەنگی لەگەڵ حكومەتی هەرێمی كوردستان بكەن بۆ پاڵپشتیكردنیان و پەلەش بكەن لە پڕۆسەی بەهاناوەچوون و پاراستنی هاوڵاتیان.

PM:09:14:09/12/2025

ئه‌م بابه‌ته 152 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت