عه‌لی حه‌مه ساڵح: نه‌وت بۆ ده‌سه‌ڵاتداران بووه‌ته سه‌رچاوه‌ی سه‌دان ملیۆن دۆلار و بۆ خه‌ڵكیش نه‌گبه‌تی
وێستگه‌نیوز -
عه‌لی حه‌مه ساڵح بڕیارده‌ری ره‌وتی هه‌ڵوێستی نیشتمانی له نووسنێكدا له‌ژێر ناوی "ڕشتنی خوێنی خه‌ڵك و نه‌وتی ئه‌وان.."، رایگه‌یاند كه "وه‌ڵامی خه‌ڵكانێك كه داوای ده‌رفه‌تی كار ده‌كه‌ن، به ته‌قه‌كردن و برینداركردن یاسا شكێنیه!.
ئاماژه‌شی به‌وه‌داوه كه "هێنانی هێزی ئه‌منی و سه‌ربازی بۆ سه‌ركوتكردنی كه‌سانێك كه داوای ده‌رفتی كار ده‌كه‌ن ئاماژه‌یه‌كی مه‌ترسیداره".
بڕیارده‌ری ره‌وتی هه‌ڵوێستی نیشتمانی ده‌ڵێت: "چه‌ندین ساڵه نه‌وت بۆ ده‌سه‌ڵاتداران بووه‌ته سه‌رچاوه‌ی سه‌دان ملیۆن دۆلار و بۆ خه‌ڵكیش نه‌گبه‌تی و نه‌هامه‌تی".
رووبه ده‌سه‌ڵاتدارانی رایگه‌یاندووه "فه‌رموون سه‌رچاوه‌ی ئه‌م نه‌وته‌ی پاڵاوگه‌ی لاناز كوێیه داهاته‌كه‌ی بۆ كێیه؟ خه‌ڵكیش داوای كاربكات ئاوا به فیشه‌ك وه‌ڵام ده‌درێته‌وه".
ئێواره‌ی ئه‌مڕۆ له نێوان خۆپیشانده‌رانی گوندی لاجانی سنووری پارێزگای هه‌ولێر و هێزه ئه‌منییه‌كان شه‌ڕو ئاڵۆزی دروستبوو و ته‌قه‌كرا و كوژراو و برینداری لێكه‌وته‌وه.
PM:06:38:29/11/2025
ئه‌م بابه‌ته 92
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت