موه‌لیده ئه‌هلییه‌كان ده‌ست به‌كار ده‌كه‌نه‌وه
وێستگه‌نیوز –
سه‌رۆكی كۆمه‌ڵه‌ی موه‌لیده ئه‌هلییه‌كانی سلێمانی رایگه‌یاند كه بڕیاره له ئه‌مڕۆوه موه‌لیده ئه‌هلییه‌كان ده‌ست به‌كار بكه‌نه‌وه.
عوسمان محه‌مه‌د، سه‌رۆكی كۆمه‌ڵه‌ی موه‌لیده ئه‌هلییه‌كانی سلێمانی له لێدوانێكدا ئاشكرایكرد كه ئیداره‌ی پارێزگای سلێمانی رایسپاردوون كه له‌كاتی نه‌بوونی كاره‌بای نیشتمانیدا كار به موه‌لیده‌كان بكه‌ن.
سه‌رۆكی كۆمه‌ڵه‌ی موه‌لیده ئه‌هلییه‌كانی سلێمانی ده‌ڵێت: "تا ئاسایبوونه‌وه‌ی دۆخی كاره‌با لە سەعات 4ی ئێوارە بۆ 12ی شەو كار بە موەلیدەكان دەكەینەوە".
ئه‌مه‌ش دوای ئه‌وه هات كه ماوه‌ی چه‌ند رۆژێكه به‌هۆی هێرشكردنه‌سه‌ر كێڵگه‌ی غازی كۆرمۆر گرفت بۆ كاره‌بای نیشتمانی دروستبووه و هاووڵاتییان رۆژانه چه‌ند كاتژمێرێكی كه‌م كاره‌بایان پێده‌درێت بۆیه به‌ناچاری گه‌ڕاونه‌ته‌وه بۆ به‌كارهێنانی چرا.
PM:03:01:29/11/2025
ئه‌م بابه‌ته 1480
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت