پەیامنێری وێستگەنیوز لە دهۆک: لە قەزای شێخان باوک و کچێک کوژران

وێستگەنیوز-

پێشنیوەڕۆی ئەمڕۆ یەکشەممە 20ی تەموزی 2025، لە قەزای شێخانی سەر بە پارێزگای دهۆک تەرمی باوک و کچێک لەنێو ماڵەکەیاندا دۆزرانەوە.

رزگار کامیل، پەیامنێری وێستگەنیوز لە دهۆک رایگەیاند، "پێشنیوەڕۆی ئەمڕۆ یەکشەممە لە قەزای شێخانی سەر بە پارێزگای دهۆک تەرمی باوک و کچێک لەنێو ماڵەکەیاندا بە کوژراوی دۆزرانەوە".

ئاماژەی بەوەشکرد، "کوژراوەکان خەڵکی کومەڵگەی مەهەتن و ئێزدین باوکەکە تەمەنی نزیکەی 60 ساڵە و کچەکەش 27 ساڵە".

لەبارەی هۆکارەی رووداوەکەوە پەیامنێری وێستگەنیوز لە دهۆک وتی، "بەپێی زانیارییە سەرەتاییەکان هۆکارەکەی کێشەی کۆمەڵایەتی بووە و پۆلیس دەستی بە لێکۆڵینەوە کردووە و تەرمەکان براونەتە پزیشکی دادی دهۆک".

PM:02:01:20/07/2025

ئه‌م بابه‌ته 220 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت