وادەی راگەیاندنی ئەنجامی کۆتایی سەرژمێری گشتی ئاشکرادەکرێت

وێستگەنیوز-

بەڕێوەبەری جێبەجێکاری سەرژمێری لە هەرێمی کوردستان وادەی راگەیاندنی ئەنجامی کۆتایی سەرژمێری گشتی دانیشتووانی عێراق و هەرێمی ئاشکراکرد.

ئەمڕۆ شەممە 21ی کانونی یەکەمی 2024، مەحمود عوسمان، بەڕێوەبەری جێبەجێکاری سەرژمێری لە هەرێمی کوردستان رایگەیاند، "پڕۆسەی سەرژمێری لە هەرێمی کوردستان زۆر بە سەرکەوتوویی بەڕێوەچوو، لە 14ی ئەم مانگەوە پڕۆسەکە کۆتایی هاتووە و بڕیارە شوباتی ساڵی داهاتوو ئەنجامی کۆتایی رابگەیەندرێت".

ئاماژەی بەوەشکرد، ""دوای گفتوگۆ و راگۆڕینەوەیەکی زۆر لەگەڵ عێراق، بڕیاردرا 15-2-2025 ئەنجامی کۆتایی سەرژمێرییەکە رابگەیەندرێت".

PM:04:12:21/12/2024

ئه‌م بابه‌ته 1996 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت