بە تۆمەتی تەقەکردن بە چەکی بێ مۆڵەت دوو تۆمەتبار دەستگیرکران
وێستگەنیوز-
بەڕێوەبەرایەتیی ئاسایشی هەولێر دەستگیرکردنی دوو تۆمەتباری راگەیاند کە هەستاون بە هەڵگرتنی چەکی بێ مۆڵەت و تەقەکردن و بڵاو کردنەوەی لە تۆڕە کۆمەڵایەتییەکان.
ئەمڕۆ شەممە 14ی کانونی یەکەمی 2024، بەڕێوەبەرایەتیی ئاسایشی هەولێر رایگەیاند، "یەکێک لەو تۆمەتبارانە لە ژێر کاریگەری بەکارهێنانی مادەى هۆشبەردا هەستاوە بە ئازاردانی کەسێکی خاوەن پێداویستی تایبەت و گرتە ڤیدیۆی کاتی ئازاردانی تۆمارکردووە".
بە فەرمانی دادوەری لێکۆڵینەوەی ئاسایشی هەولێر دوو تۆمەتبارەکە، بەناوەکانی (ک ، ح ، م) و ( ح ، ع ، أ) دەستگیرکراون.
ئاسایشی هەولێر ئاماژەی بەوەکرد، "هەرکەسێک چەکی بێ مۆڵەت هەڵگرێت و خۆی نمایش بکات لە تۆڕەکۆمەڵایەتییەکان لە لایەن هێزەکانمانەوە دەستگیر دەکرێت".
PM:08:39:14/12/2024
ئه‌م بابه‌ته 264
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت