ئه‌م پزیشكه‌ ده‌ڵێت" نەخێر، تێگەیشتنێکی هەڵەیە، چونکە ئەو جۆرە ستیڕۆید (کۆرتیزۆن)ەی لە بەخاخ هەیە ڕێژەکەی زۆر کەمە و بەشێکی زۆر کەمی دەچێتە دەرەوەی سییەکان و جۆری ستیڕۆیدەکەش جیاوازە لەو ستیڕۆیدەی کە گەشە دوادەخات، هەندێک لێکۆڵینەوە ئاماژە بە کاریگەرییەکی زۆر کەمی بەخاخ دەکەن لەسەر گەشەی منداڵ، بە پێچەوانەوە لێکۆڵینەوە پزیشکییەکان ئەوەیان بە تەواویی سەلماندووە کە منداڵی تووشبووی ڕەبۆ ئەگەر ڕەبۆیەکەی کۆنتڕۆڵ نەبێت، ئەوسا مەترسیی دواکەوتنی گەشەی زیاترە، واتا بەخاخ دەرمانێکی سەلیمە بۆ منداڵەکەت و کاریگەرییەکی ئەوتۆی لەسەر گەشەی منداڵ نییە."

دكتۆر زانا ده‌ڵێت" نەخۆشیی ڕەبۆ لە منداڵان سێ جۆری هەیە، جۆری یەکەمیان بە هەڵکشانی تەمەن بە تەواویی چاک دەبێتەوە، جۆرێکیان بە شێوەیەکی کاتیی چاک دەبێتەوە بەڵام دەشێ لە تەمەنێکی دیارییکراو بۆی بگەڕێتەوە، جۆرێکیشیان بە داخەوە هەر لە منداڵییەوە تووش دەبێت و لەگەڵ ژیانی بەردەوام دەبێت."