‌به‌وێنه‌.. منداڵێك به‌ سێ سه‌ره‌وه‌ له‌دایكبوو

وێستگە ستایل-


ئافره‌تێك له‌ دۆخێكی ده‌گمه‌ندا منداڵێكی بوو به‌ سێ سه‌ره‌وه‌ له‌ ویلایه‌تی ئۆتار برادیش له‌ هندستان و ئه‌مه‌ش پزیشكه‌كانی توشی شۆك كردووه‌.

دۆخی ئه‌م منداڵه‌ ئه‌ندامه‌كانی خێزانه‌كه‌ی‌ توشی سه‌رسوڕمان كردوه‌ و ئه‌م حاڵه‌ته‌ له‌ زانستی پزیشكیدا ده‌گمه‌نه‌ و به‌ encephaloceles ناسراوه‌ و پزیشكه‌كان پشكنینی تیشكی موگناتیسی بۆ ده‌كه‌ن بۆ ئه‌وه‌ی‌ هۆكاری توشبوونی ئه‌م منداڵه‌ به‌م حاڵه‌ته‌ ئاشكرا بكه‌ن.

یه‌كێك له‌ پزیشكه‌كانی نه‌خۆشخانه‌كه‌ ده‌ڵێت" ئه‌م حاڵه‌ته‌ زۆر ده‌گمه‌نه‌ و جه‌سته‌ی‌ منداڵه‌كه‌ به‌شێوه‌یه‌كی سروشتی گه‌شه‌ی‌ نه‌كردووه‌ و بۆ چاره‌سه‌ركردنی وێنه‌ی‌ تیشكی بۆ ده‌گرین بۆ جیاكردنه‌وه‌ی‌ ئه‌و به‌شه‌ زیاددانه‌ی‌ به‌سه‌ریه‌وه‌یه‌تی"

له‌ئێستادا و له‌ زۆرێك له‌ وڵاته‌كانی كیشوه‌ری ئه‌فریقا له‌دایكبوونی منداڵ به‌ چه‌ند سه‌رێكه‌وه‌ بۆته‌ دیارده‌ و ئه‌گه‌ری زیندوو مانی ئه‌م منداڵانه‌ ده‌گاته‌ %55ه‌ و %75 ی ئه‌و حاڵه‌تانه‌ش كه‌ به‌ زیندووی بمێننه‌وه‌ گرفتی مێشك و ده‌رونیان بۆ دروست ده‌بێت.





AM:09:39:20/07/2019


ئه‌م بابه‌ته 6808 جار خوێنراوه‌ته‌وه‌‌