ئه‌نجامه‌كانی توێژینه‌وه‌یه‌كی نوێ باشترین كاتی بۆ سه‌رخه‌و شكاندن دیاری كردوه‌ و پێویسته‌ له‌ 25 خوله‌ك زیاتر نه‌بێت و هه‌تا ماوه‌كه‌ كه‌متر بێت ئه‌وه‌ كاریگه‌ری باشتر ده‌بێت.

مایكل ئیدواردس پسپۆڕ و شاره‌زا له‌ بواری نوستن ده‌ڵێت" سه‌رخه‌و شكاندن ئه‌گه‌ر زیاتر بێت ئه‌وه‌ كه‌سی نوستوو ده‌چێته‌ قۆناغی دووه‌می نوستنه‌وه‌ كه‌ تیایدا چاوه‌كان به‌ شێوه‌یه‌كی خێرا ده‌جوڵێن و ئه‌مه‌ قۆناغێكی قوڵی نوستنه‌ وئه‌گه‌ر له‌ ناوه‌ڕاستی ئه‌م خه‌وه‌دا خه‌به‌رت ببێته‌وه‌ ئه‌وه‌ هه‌ست به‌ ماندوێتی زۆر ده‌كه‌یت له‌ جیاتی ئارام بوونه‌وه‌ی‌ له‌شت و ئه‌گه‌ر نه‌تتوانی كه‌متر له‌ 25 خوله‌ك بخه‌ویت ئه‌وه‌ باشتر وایه‌ كاتژمێر و نیوێك بخه‌ویت بۆ ئه‌وه‌ی‌ ته‌واوی قۆناغه‌كانی نوستن ته‌واو بكه‌یت و كاتێك خه‌به‌رت ببێته‌وه‌ هه‌ست به‌ ماندوێتی نه‌كه‌یت"

باشترین كات و شێوه‌ی‌ نوستن ئه‌وه‌یه‌ كه‌ كوپێك قاوه‌ بخۆیته‌وه‌ و دواتر بۆ ماوه‌ی 10 خوله‌ك بخه‌ویت و له‌و ماوه‌یه‌دا كافاین كاری خۆی ده‌كات و زوو خه‌به‌رت ده‌كاته‌وه‌.