‌شەربەتێك بۆ دابەزاندنی كێشی زیادە

وێستگە ستایل-


باشترین ڕێگا بۆ دابەزاندنی كێشی زیادە وەرزشكردن و كەمكردنەوەی خۆراكە چەورەكانە كەبڕێكی زۆر كالۆری بەجەستە دەبەخشن، هاوكات دەتوانن پشت بەم شەربەتە سروشتیەش ببەستن بۆ دابەزاندنی كێشی زیادە.

پێویستیەكان بۆ دروستكردنی ئەم شەربەتە:

1-یەك چەپك كەرەوز كە جوان شۆرابێتەوە.

2- دە پارچە سیر.

3-چارەكە كوپێك ئاوی لیمۆ.

ڕێگای ئامادەكردنی ئەم گیراوەیە:

هەموو ئەم پێكهاتانە لەگەڵ سێ پەرداخ ئاو  تێكەڵاو دەكرێت و دەخرێتە ناو دەفرێكەوە بۆ ماوەی چەند خولەكێك بەهێواشی دەكوڵێنرێت دواتر دادەنرێت تا سارد دەبێتەوە، وپێویستە  بكرێتە ناو دەفرێكی شوشەوە و شەوێك دابنرێت لەناو سەلاجەدا،بۆ ڕۆژی داهاتوو ئەم تێكەڵەیە بپاڵێورێت و ڕۆژانە كوپێك پێش خواردنی نانی نیوەڕۆ بخورێتەوە، بەهیچ شێوەیەك نابێت ئەم گیراوەیە لەسەر گەدەی خاڵی بخورێتەوە لەلایەن ئەو كەسانەی كێشەی گەدەیان هەیە و گەدەیان بریندارە  یان گەدەیان هەستیارە.

ئەم گیراوەیە بەسودە بۆ دابەزاندنی كێشی زیادە و تواندنەوەی چەوری زیادەی جەستە و كردنە دەرەوەی ژەهری كۆبوەوەی ناو جەستە .


PM:02:11:20/10/2018


ئه‌م بابه‌ته 1923 جار خوێنراوه‌ته‌وه‌‌

ستایل