خواردنی ئهم خۆراكانه خهوێكی قوڵت پێ دهبهخشن
وێستگە ستایل-
پسپۆڕان رایدەگەیەنن خەوتن پەیوەندی هەیە بەخۆراك و بارودۆخی گەدەوە و هەندێك خۆراك هەیە كە دەوڵەمەندن بەماددەی میلاتونین كەئەوەش ئەو هۆرمۆنەیە دەبێتە هۆی خەولێكەوتنی ئارام و قووڵ ، سەرباری پشوودان و دووركەوتنەوە لەتەماشاكردنی مۆبایلی زیرەك و كۆمپیوتەر پێش خەوتن ، چەند رێگایەك هەیە كە یارمەتیدەرە بۆ خەوتنێكی قووڵ ئەویش لەرێگەی خورادنی چەند خۆراكێكەوە كەئەوانیش بریتین لە:
* كاربۆهێدرات: ئەو خۆراكانەی كاربۆهێدراتیان تێدایە وەك شۆفان و كێك و برنج دەبێتە هۆی بەخشینی ووزە بە لەش و خەوتنێكی قووڵ.
* ناوكە كولەكە: دەوڵەمەندە بە مەگنیسیۆم و ئەوەش بەسوودە بۆئەو كەسانەی بەدەست هیلاكیەوە دەناڵێنن و رۆڵی مەگنیسیۆم بریتیە لەرێگەدان بە خاوبوونەوەی ماسولكەكانی لەش.
* ئاوی گوێزی هیندی: خواردنەوەی كوپێك لەم ئاوە لە ئێواراندا یارمەتیدەرە بۆ خەوێكی ئارام و قووڵ ، چونكە ئاوی گوێزی هیندی سەرچاوەیەكی باشی ماددەكانی پۆتاسیۆم و كالیسیۆم و مەگنیسیۆم و فۆسفۆر و سۆدیۆمە.
* گێلاس: برێك ماددەی میلاتونینی تێدایە كەئەو مادەیە دەبێتە هۆی رێكخستنی خەوتن.
* ماددەی زنك: ئەو خۆراكانەی ئەم ماددەیان تێدایە وەك خۆراكە دەریاییەكان و چەرەسات و دانەوێڵە دەبێتە هۆی خەولێكەوتن.
* گۆشتی قەل: هەمیشە لەكۆنەوە ووتراوە گۆشتی قەل یارمەتیدەرە بۆ خەوتن ، چونكە رێژەیەكی زۆر ترشەڵۆكی تربتوفانی تێدایە كە دەبێتە هۆی گۆڕینی سیروتونین بە ماددەی میلاتونین لە لەش و خەولێكەتن.
ئا / ڕاگەیاندنی بەڕێوبەرایەتی گشتی تەندروستی سلێمانی
PM:02:54:18/03/2018
ئهم بابهته 2337
جار خوێنراوهتهوه