‌مانه‌وه‌ی‌ بۆیه‌ به‌ نینۆكه‌وه‌ زیان به‌خشه‌؟

وێستگە ستایل-

ئه‌گه‌ر یه‌كێكیت له‌و خانمانه‌ی‌ ئاره‌زوو ده‌كه‌یت بۆیه‌ له‌ نینۆكه‌كانت بده‌یت بۆ ئه‌وه‌ی‌ ده‌ست و په‌نجه‌ت جوان ده‌ربكه‌وێت ئه‌وه‌ ئه‌م بابه‌ته‌ بۆت گرنگ ده‌بێت.

توێژینەوەیەكی نوێ لە زانكۆی ستانفۆرد ئەنجامدرا بە هاوكاری پەیمانگای خۆپاراستن لە نەخۆشی شێرەنجە لە كالیفۆرنیا بۆ دەرخستنی زیانەكانی بەكارهێنانی بۆیەی نینۆك .

ئەنجامەكان ئەوەیان ئاشكرا كردوە لەناو زۆرینەی جۆرەكانی بۆیەی نینۆكدا پێكهاتەی ژەهراوی هەیە و هۆكارە بۆ توشبوون بە شێرپەنجە و كاری ڕژێنەكانی پەریزاد لاواز دەكات .

لەناو زۆرینەی جۆرەكانی بۆیەیی نینۆكدا پێكهاتەی تۆلۆین هەیە و ئەمەش كاردانەوەی خراپی دەبێت لەسەر دەمارە خانەكان و ئەو كەسانەی كێشەی هەستیاری پێستیان هەیە ئەگەری دەركەوتنی هەستیاری بەهۆی بەكارهێنانی بۆیەیەی نینۆكەوە زیاتر دەبێت لەسەر پێستیان .

 بۆیەكردنی ڕۆژانە جگە لەوەی زیان بە تەندروستی دەگەیەنێت لە هەمان كاتدا ڕەنگی نینۆك زەرد دەكات ، بۆ زانینی زیانەكانی بۆیەی نینیۆك چەند توێژەرەوەیەك لێكۆڵینەوەیان لەسەر كردوە و ئەوەیا ئاشكرا كردوە لە كۆی 10 جۆر بۆیەی نینۆك 8 جۆریان پێكهاتەی كیمیاوی مەترسیداریان تیادایە و ئەم ژەهرانەش لەناو لەشی مرۆڤدا دەنیشێت .

ئەنجامەكان ئەوەیان ئاشكرا كردوە %100 هەموو جۆرەكانی بۆیەی نینۆك دوای مانەوەی 10 كاتژمێر بە نینۆكەوە فۆسفاتەكەی ناوی دەنیشێت وەك ژەهر لە جەستەدا و لە كۆی 10 جۆر بۆیەی نینۆكی جیاواز 8 جۆریان ئەم پێكهاتە مەترسیدارەیان تیادایە و لەسەر لۆگۆی پێكهاتەكانی بۆیەكە ئاماژە بۆ ئەمە نەكراوە .

گەورەترین مەترسی ئەم ماددەیە لە سەر تەندروستی كەسی بەكارهێنەر ئەوەیە كاریگەری دەبێت لەسەر ڕژێنەكانی پەریزاد و ئەمەش هۆكارە بۆ تێكچوونی هۆرمۆنەكان و گەشە و كارلێكی خۆراكی ناو گەدە .

مەترسی ئەم بابەتە زیاتر لەسەر منداڵەكان دروست دەبێت و دەدرانی هۆرمۆنەكانی جەستەیان تێكدەچێت و ئەمەش كاریگەری لەسەر گەشەیان دروست دەكات ، بۆ ئەوەش باشتر وایە بە هیچ شێوەیەك بۆیەی نینۆك بۆ منداڵ نەكرێت .

لە پێكهاتەی بۆیەیی نینۆكدا فۆڕماڵدیهاید هەیە و ئەمەش هۆكارە بۆ توشبوون بە نەخۆشی ڕەبۆ و هەناسە توندی و ئەو ڕەنگەی لە پێكهاتەی بۆیەدا هەیە ڕەنگە هۆكار بێت بۆ هەستیاری پێست 


PM:04:44:11/03/2018


ئه‌م بابه‌ته 2229 جار خوێنراوه‌ته‌وه‌‌