‌ئه‌م ره‌فتارانه‌ ده‌بێته‌ هۆی زیادبوونی كێشت

وێستگە ستایل-


هه‌ندێ جار هه‌ندێ ره‌فتاری نان خواردن زیان پێده‌گه‌یه‌نێت و ده‌بێته‌ هۆی قه‌ڵه‌كردن و زیادكردنی كێشت،به‌لاَم ره‌نگه‌ تۆ هه‌ست به‌وه‌ نه‌كه‌یت ئه‌م دیاردانه‌ زیان پێده‌گه‌یه‌نێت كه‌ بریتین له‌:

وازهێنان له‌ نانی به‌یانی یه‌كێكه‌ له‌سه‌رچاوه‌كانی قه‌ڵه‌وبوون، كه‌ ره‌نگه‌ تۆ به‌نیازی ئه‌وه‌ وازی لێبهێنیت كه‌ كێش دابه‌زێت به‌لاَم به‌پێچه‌وانه‌وه‌ زیانی هه‌یه‌ و كێش زیاد ده‌كات،  چونكه‌ هه‌میشه‌ خواردنی نانی به‌یانی كاریگه‌ری له‌سه‌ر له‌ش هه‌یه‌ و ده‌بێته‌ هۆی ئه‌وه‌ی به‌درێژای رۆژ كه‌متر نان بخۆیت.

خواردنی نان له‌به‌رده‌م ته‌له‌فزیۆن و كۆمپیوته‌ر ئه‌م جۆره‌ ئامێرانه‌ هه‌ڵه‌یه‌كی گه‌وره‌یه‌، چونكه‌ به‌هۆی سه‌رقاڵی مێشك به‌ ته‌له‌فزیۆنه‌وه‌ زیاتر له‌ بڕی پێویستی ده‌خۆیت و ئه‌مه‌ش ده‌بێته‌ هۆی قه‌ڵه‌وبوونت.

نه‌خواردنه‌وه‌ی ئاو دووباره‌ زیانی هه‌یه‌، ده‌بێته‌ هۆی زیادكردنی كێش چونكه‌ زۆر خواردنه‌وه‌ی ئاو له‌ش له‌ وشكبوونه‌وه‌ ده‌پارێزێت و كرداری هه‌رس خێرا ده‌كات و یارمه‌تی زوو توانه‌وه‌ی چه‌وری ده‌دات، به‌لاَم ئاگاداربه‌ خواردنه‌وه‌ی ئاو له‌گه‌ڵ ژه‌مه‌ خۆراكیه‌كان كێش زیاد ده‌كات نه‌ك دایبه‌زێنێت.

خواردنی گۆشت به‌ بڕی زۆر كه‌م، چونكه‌ گۆشت ده‌بێته‌ هۆی زیادبوونی چه‌وری له‌ش و كێش زیاد ده‌كات، چونكه‌ خواردنی گۆشت كرداری هه‌رسكردت خاو ده‌كاته‌وه‌.

خواردنه‌وه‌ی خواردنه‌وه‌ غازیه‌كان، دوای هه‌ر ژه‌مه‌ خۆراكێك زیانی هه‌یه‌ و جگه‌ له‌وه‌ی كێش زیاد ده‌كات، ده‌بێته‌ هۆی زیادكردنی رێژه‌ی شه‌كری خوێن و به‌هیچ جۆرێك یارمه‌تی كرداری هه‌رسكردن نادات.


PM:10:11:04/02/2018


ئه‌م بابه‌ته 4160 جار خوێنراوه‌ته‌وه‌‌