‌چۆن دەزانیت توشی شێرپەنجەی مەمك بویت ؟

وێستگە ستایل-

شێرپەنجەی مەمك یەكێكە لەو جۆرانەی شێرپەنجە لە ئێستا لەناو خانماندا زۆر بڵاوە ، لە سەرەتای توشبوون بەم نەخۆشییە دەست نیشانكردنی ئاسان نیە و تەنها لەڕێی پشكنینی تایبەتی پزیشكیەوە دەكرێت  ، و دەست نیشانكردنی پێش وەخت توشبوو لە مردن ڕزگار دەكات و لە چارەسەر نزیكی دەكاتەوە .

قۆناغەكانی گەشەكردنی شێرپەنجەی مەمك :

1- قۆناغی سفر :  ئەو خانانەی تایبەتن بە دەردانی شیر لە ناو مەمكدا دەگۆڕێن بۆ خانەی شێرپەنجەیی و بەڵام لە سەرەتاوە ئەم خانانە بۆ دەرەوە بڵاو نابێتەوە .
-2- قۆناغی یەكەم : وەرەمی شێرپەنجەیی بە قەبارەی 2 سانتیمەتر دروست دەبێت وو ڕژێنە لیمفاویەكان لەژێر باڵدا تەندروست دەبێت و خانە شێرپەنجەییەكان لەناو مەمكدا دەمێننەوە .
2- - قۆناغی دووەم  : قەبارەی وەرەمەكە دەبێتە 2 بۆ 5 سانتیمەتر و دەگوێزرێتەوە بۆ ژێر باڵەكان بەڵام هێشتا بە تەواوی جەستەدا بڵاو نابێتەوە .
4- قۆناغی سێهەم : لەم قۆناغەدا وەرەمە شێرپەنجەییەكە دەبێتە 5 سانتیمەتر و بە ئاشكرا هەڵئاوساوی وەرەمەكە تێبینی دیكرێت .

5- قۆناغی چوارەم : ئەمە كۆتا قۆناغی توشبوونە بە شێرپەنجە بە جۆرێك وەرەمە شێرپەنجەییەكە گوازراوەتەوە بۆ زۆرینەی ئەندامەكانی جەستە لەوانەش " جگەر " و یەكەم شوێن كە وەرەمە شێرپەنجەییەكانی تیادا بڵاو دەبێتەوە ژێر باڵەكانە.

چۆنیەتی دەست نیشانكردنی شێرپەنجەی مەمك :

1- پشكنینی تایبەت لە نەخۆشخانە و بە ئامێری تایبەت 
2- وێنەی تیشكی كە هەموو گۆڕانكاریەكانی قەبارەی مەمك ئاشكرا دەكات 
3- وەرگرتنی بەشێك لە وەرەمەكە بۆ دەست نیشانكردنی جۆرەكەی 
4- وێنەی موگناتیستی 
5- وێنەی تیشكی سەرو دەنگ
6- ڕوپێوكردنی ئێسكەكان بۆ ئاشكرا كردنی گواستنەوەی شێرپەنجە بۆ ئێسكەكان 

باشتریش وایە مانگانە خانمان بە دەست پشكنینن بۆ خۆیان بكەن و هەركات هەستیان بە هەر ناتەواوی و هەڵئاوساویەك كرد لە مەمكەكانیاندا زوو سەردانی پزیشك بكەن بۆ وەرگرتنی چارەسەر .


AM:10:16:12/10/2017


ئه‌م بابه‌ته 9988 جار خوێنراوه‌ته‌وه‌‌