‌بۆ ئەوەی لەم نەخۆشیانە پارێزراو بیت كاڵەك بخۆ

وێستگە ستایل-


زاناكان لە وڵاتە یەكگرتوەكانی ئەمەریكا لەڕێی توێژینەوەیەكەوە ئەوەیان ئاشكرا كردوە خواردنی میوەی كاڵەك ئەگەری توشبوون بە نەخۆشیەكانی شێرپەنجە و نەخۆشیەكانی دڵ و جەڵتەی مێشك كەمدەكاتەوە .

لەڕێی چەند توێژینەوەیەكەوە زاناكان گەیشتونەتە ئەو ئەنجامەی دەكرێت چەند جۆرێك لە میوە وەك سەرچاوەیەكی سروشتی بۆ چارەسەر و دووركەوتنەوە لە توشبوون بە نەخۆشی بەكاربهێنرێت ، ئەنجامەكان ئەوەیان ئاشكرا كردوە لەناو كاڵەكدا پێكهاتەی كیمیاوی (ئەدینۆزین ) ی تیادایە ئەگەری خەستبوونەوەی خوێن و جەڵتەی خوێن و مێشك كەمدەكاتەوە و سەرچاوەیەكی زۆر باشی پۆتاسیۆمە و و ئەمەش پەستانی خوێن دادەبەزێنێت .

لەناو كاڵەكدا كارۆتین هەیە و ئەگەری توشبوون بە شێرپەنجە كەمدەكاتەوە و گەشەی خانە شێرپەنجەییەكان كەمدەكاتەوە و ڤیتامین A تیادایە  پێست جوان دەكات و بەرگری لەش بەهێز دەكات و توانای بینینی چاو بەهێز دەكات .

كاڵەك بڕێكی باش لە ترشی فۆلیكی تیادایە كە بە ڤیتامین B9 ناسراوە و یارمەتی نوێكردنەوەی خانەكان دەدات و گرنگترین پێكهاتەیە بۆ ڕێگری كردن لە توشبوون بە شێرپەنجە و نەخۆشیەكانی دڵ و زۆر بەسوودە بۆ بەهێزكردنی توانای یادەوەری و كەمكردنەوەی خەمۆكی و شەكرە سوود بەخشەكان و ڤیتامین c تیادایە كە ئەمەش دژە ئۆكسێنەرێكی بەهێە و بۆ تەندروستی گەدە و كەمكردنەوەی شڵەژان بەسوودە. 


PM:02:29:12/08/2017


ئه‌م بابه‌ته 13000 جار خوێنراوه‌ته‌وه‌‌

ستایل