‌ڕێگاكانی چارەسەركردنی مایسیری دوای منداڵبوون

وێستگە ستایل-


مایسیری واتە هەڵئاوسانێكی ناسروشتی دەمارەكانی خوێنی مرۆڤ لە ناوچەی كۆمدا و بچووك بونەوەی كۆمە  و ئەم بابەتە بێزار كەر دەبێت بۆ هەركەسێك كە توشی ببێت ، هەندێك لە خانمان لە دوای منداڵبوون كێشەی مایسیریان بۆ دروست دەبێت و هۆكار دەبێت بۆ هەستكردن بە ئازار و خوراندنی بەردەوام و خوێن بەربوون لە ناوچەی كۆمدا .

 چەند ڕێگەیەك هەیە بۆ چارەسەری ئەم حاڵەتە بۆ خانمان دوای منداڵبوون .

1- چەند پارچەیەك لە سەهۆڵ وورد بكە و بیخەرە ناو كیسەیەكی نایلۆنەوە و بیخەرە سەر كۆمت چەند جارێك لە ڕۆژێكدا ئەمە هەڵئاوسان و ئازار لە ناوچەی كۆمدا كەمدەكاتەوە .

2- پێویستە كۆم بە خاوێنی ڕابگیرێت دەسڕی تەڕ و خاوێن بۆ خاوێنكردنەوەی بەكاربهێنرێت لەجیاتی كلێنكسی وشك .

3- ئەو خۆراكانە دەبێت بخورێت كە بڕێكی زۆر باش ڕیشاڵ لە پێكهاتەیاندا هەیە وەك تەواوی جۆرەكانی سەوزە و میوە و ڕۆژانە 8 بۆ 10 پەرداخ ئاو دەبێت بخورێتەوە بۆ كەمكردنەوەی قەبزی .

4- ڕاهێنانی كیجل ئەنجامبدە بۆ بەهێزكردنی ماسولكەكانی ناوچەی كۆم و زیادكردنی توانای كرانەوەی .



ئەو كەسانەی توشی مایسری بوون چەند نیشانەیەكیان لەسەر دەردەكەوێت لەوانەش:
1- خووروی بەردەوام لە ناوچەی كۆمدا
2-هەستكردن بە ئازاری زۆر تەنانەت لەكاتی میزكردنیشدا 
3- خوێن بەربوون لە ناوچەی كۆمدا و ئەم نیشانەیە بەگوێرەی حاڵەتەكان دەگۆڕێت واتە هەندێكجار خوێنێكی زۆر بە پیساییەوەیە و هەندێكجاریش كەم .


PM:12:40:12/08/2017


ئه‌م بابه‌ته 16128 جار خوێنراوه‌ته‌وه‌‌

ستایل