له‌م توێژینه‌وه‌یدا به‌ نزیكه‌ی‌ 175 هه‌زار توشبووی نه‌خۆشی شه‌كره‌ به‌شداریان كردوه‌ كه‌ مادده‌ی‌"سیما گلۆتاید" یان به‌كارهێناوه‌ ئه‌وه‌ش پێكهاته‌یه‌كی سه‌ره‌كی ده‌رزی ئۆزه‌مبیك ه‌ و له‌ڕێی ده‌رزی وه‌رده‌گیرێت، له‌گه‌ڵ كۆمه‌ڵێك توشبووی دیكه‌ی‌ نه‌خۆشی شه‌كره‌ كه‌ ئه‌م ده‌رمانه‌یان وه‌ك چاره‌سه‌ر به‌كارنه‌هێناوه‌.

ئه‌و كه‌سانه‌ی‌ ئه‌و ده‌رمانه‌یان به‌كارهێناوه‌ كه‌ مادده‌ی‌"سیما گلۆتاید" له‌ پێكهاته‌یدا هه‌یه‌ پاش دوو ساڵ له‌ به‌كارهێنانی ده‌رمانه‌كه‌ توشی گرفتی چاو بوون، به‌راورد به‌و كه‌سانه‌ی‌ ئه‌م ده‌رمانه‌یان به‌كارنه‌هێناوه‌ و كۆمه‌ڵه‌ ده‌رمانێكی دیكه‌یان بۆ چاره‌سه‌ری نه‌خۆشی شه‌كره‌ به‌كارهێناوه‌.

به‌كارهێنانی ده‌رزی ئۆزمبك به‌دیاریكراوی له‌لایه‌ن خانمانه‌وه‌ بۆ ماوه‌ی‌ چه‌ند ساڵێك زیان به‌ ده‌ماری چاو ده‌گه‌یه‌نێت هاوكات خوێن وه‌ك پێویست ناگات به‌ چاو، هاوكات ئه‌نجامی توێژینه‌وه‌یه‌كی دیكه‌ كه‌ ساڵی ڕابردوو له‌سه‌ر ئه‌م ده‌رمانه‌ بڵاوكردۆته‌وه‌ و تیایدا هاتووه‌، ئه‌و توشبووانه‌ی‌ شه‌كره‌ی‌ جۆری دووه‌م كه‌ ده‌رمانی سیماگلۆتاید یان وه‌رگرتوه‌ توشی گرفتی چاو بوون به‌راورد به‌و نه‌خۆشانه‌ی‌ ئه‌م ده‌رمانه‌ به‌كارناهێنن.