زۆربوونی ژماره‌ی توشبوون به نه‌خۆشییه‌كی كۆئه‌ندامی هه‌ناسه وایكردوه په‌ستانی زۆر له‌سه‌ر كه‌رتی ته‌ندروستی وڵاتی به‌ریتانیا دروست ببێت.
زیادبونی رێژه‌ی توشبوون به‌م نه‌خۆشییه له چین له‌سه‌ره‌تای ئه‌م مانگه به‌دیاریكراوی له هه‌رێمه‌كانی باكوری ئه‌و وڵاته ترسی دروستكردوه لای هاوڵاتیان، له‌ئێستادا نه‌خۆشییه‌كه له به‌ریتانیا بڵاوبۆته‌وه.
چه‌ند گرته‌یه‌كی ڤیدیۆیی له‌نێوان چالاكوانه‌كانی تۆڕه كۆمه‌ڵایه‌تیه‌كان بڵاوكراوه‌ته‌وه تیایدا ده‌ركه‌وتوه له نه‌خۆشخانه‌كانی به‌ریتانیا بێدی به‌تاڵ نه‌ماوه و زۆرینه‌ی منداڵان توشی ئه‌م نه‌خۆشییه بوون كه نیشانه‌كانی له ڤایرۆسی كۆرۆنا نزیكه له‌وانه‌ش به‌رز بوونه‌وه‌ی پله‌ی گه‌رمای له‌ش و كۆكه و هه‌وكردنی قوڕگ.
نه‌خۆشییه‌كه نه‌زانراوه:
به‌گوێره‌ی ئه‌و ڕاپۆرته‌ی ئاژانسی "جی پی نیوس" ی به‌ریتانی بڵاویكردۆته‌وه تیایدا ئاماژه بۆ ئه‌وه كراوه پێده‌چێت نه‌خۆشییه نه‌زانراوه‌كه ڤایرۆسی HMPV بێت هه‌مان ئه‌و ڤایرۆسه‌یه كه له چین تۆماركراوه.
حاڵه‌ته‌كانی توشبوون به ڤایرۆسی هه‌وكردنی سییه‌كان HMPV له‌سه‌رتاسه‌ری به‌ریتانیا زیادی كردوه و ڕاپۆرته‌كان ئاشكرایان كردوه ڕێژه‌ی توشبوون به‌م ڤایرۆسه له‌و وڵاته گه‌یشتۆته %4.9.
ڤایرۆسی كۆئه‌ندامی هه‌رس زیاتر توشی ئه‌و كه‌سانه ده‌بێت ته‌مه‌نیان 80 ساڵ زیاتره، به‌هۆی ئه‌م ڤایرۆسه‌وه په‌ستانێكی زۆر له‌سه‌ر یه‌كه‌ی خزمه‌تگوزاری ته‌ندروستی به‌ریتانیا دروستبووه، مه‌ترسی ئه‌وه هه‌یه ئه‌م ڤایرۆسه كاریگه‌ری گه‌وره و مه‌ترسیداری هه‌بێت.
PM:07:53:28/01/2025