توێژینه‌وه‌یه‌ك: كاتی خواردنه‌وه‌ی قاوه كاریگه‌ری له‌سه‌ر درێژی ته‌مه‌ن ده‌بێت
وێستگە ستایل-
توێژه‌ره‌وه‌كانی بواری ته‌ندروستی له هه‌ردوو زانكۆی هارڤارد و تولین ئاشكرایان كردوه خواردنه‌وه‌ی قاوه ناوه‌ندی ته‌مه‌نی مرۆڤ درێژ ده‌كات به‌تایبه‌ت ئه‌گه‌ر له به‌یانیاندا بخورێته‌وه.
به‌گوێره‌ی توێژینه‌وه‌كه خواردنه‌وه‌ی قاوه كاریگه‌ری ده‌بێت له‌سه‌ر پاراستنی ته‌ندروستی دڵ، كاتی خواردنه‌وه‌ی قاوه كار ده‌كاته سه‌ر درێژی ته‌مه‌نی مرۆڤ.
ئه‌م توێژینه‌وه‌یه له گۆڤاری دڵ ی ئه‌وروپی بڵاوكراوه‌ته‌وه و تیایدا باس له‌وه كراوه خواردنه‌وه‌ی قاوه له‌كاتژمێره‌كانی به‌یانیاندا مه‌ترسی مردن كه‌مده‌كاته‌وه به‌ڕێژه‌ی %16 به‌راورد به‌و كه‌سانه‌ی قاوه‌یان نه‌خواردۆته‌وه.
هاوكات ئه‌و كه‌سانه‌ی به‌درێژای ڕۆژ چه‌ند كوپێك قاوه ده‌خۆنه‌وه مه‌ترسی له‌سه‌ر ته‌ندروستی دڵیان كه‌م ده‌بێته‌وه به‌راورد به‌و كه‌سانه‌ی قاوه ناخۆنه‌وه و خواردنه‌وه‌ی سێ كوپ قاوه باشتره له یه‌ك كوپ بۆ ئه‌م بابه‌ته.
نوسه‌ری سه‌ره‌كی توێژینه‌وه‌كه دكتۆر"لوچی" وتویه‌تی" ئه‌مه یه‌كه‌مین توێژینه‌وه‌یه كه تیایدا كاریگه‌ری كاتی خواردنه‌وه‌ی قاوه له‌سه‌ر ته‌ندروستی مرۆڤ ئاشكرا بكات، ئه‌وانه‌ش چه‌ند ڕێنماییه‌كن كه پێویسته پشتگوێ نه‌خرێن و گرنگیان پێبدرێت بۆ داهاتوو"
PM:08:38:27/01/2025
ئه‌م بابه‌ته 1408
جار خوێنراوه‌ته‌وه