چۆن بزانم کیسی سەر گورچیلەم هەیە؟
وێستگە ستایل-
زۆرجار کیسی گورچیلە لە کاتی پشکنینی وێنەگرتندا دەستنیشان دەکرێت کە بە هۆکاری تر ئەنجام دەدرێن، چونکە بەزۆری نیشانەیان نییە، دکتۆر رەنج پزیشكی نه‌خۆشییه‌كانی گورچیله و كۆئه‌ندامی میز له‌م بابه‌ته‌دا وه‌ڵامی ئه‌م پرسیاره ده‌داته‌وه.
بەڵام ئەگەر نیشانەکان دەرکەوتن، دەکرێت بریتی بن لە:
1-ئازار: ئازارێکی لە یەک لای سک یان پشتەوە بەتایبەت ئەگەر کیسەکە گەورە بوو.
2-خوێن لە میزدا
3-زوو زوو هەوکردنی بۆری میز : دووبارەبوونەوەی هەوکردن هەندێک جار دەتوانێت نیشانەی کیس بێت.
4-بەرزی پەستانی خوێن: لە حاڵەتە دەگمەنەکاندا کیسی گورچیلە لەوانەیە ببێتە بەرزبوونەوەی پەستانی خوێن.
دەستنیشانکردن:
1-سۆنەر: باوترین پشکنینی سەرەتاییە، کە دەتوانێت کیسەکان تێیدا ببینرێت.
2-سی تی سکان (ئەشیعەی تەنوری) یان ئێم ئاڕ ئای : ئەمانە وێنەی وردتر پێشکەش دەکەن، کە دەتوانن یارمەتیدەر بن لە دیاریکردنی قەبارەی کیسەکە و شوێنی کیسەکە و ئایا سادەیە یان ئاڵۆزە (ئەگەری هەیە کێشەی هەبێت).
چارەسەر:
زۆربەی کیسی گورچیلە سادە و ناشێرپەنجەیین، پێویستیان بە هیچ چارەسەرێک نییە. بەڵام کیسی ئاڵۆز یان کیس کە دەبێتە هۆی دەرکەوتنی نیشانەکان پێویستیان بە هەڵسەنگاندنی زیاتر هەیە و دەبێت چارەسەر بکرێن.
PM:04:00:01/12/2024
ئه‌م بابه‌ته 596
جار خوێنراوه‌ته‌وه