هۆكاره‌كانی ئاوسانی دەست و قاچەکان لە ماوەی دووگیانیدا
وێستگە ستایل-
ئاوسانی دەست و قاچەکان لەماوەی دووگیانیدا بەتایبەتی لە سێ مانگی سێیەمدا حاڵەتێکی باوە و بە زۆری بەهۆی کۆبوونەوەی شلە و زیادبوونی فشاری منداڵدانی گەشەسەندوویە لەسەر لوولە خوێنەکان کە کاریگەری لەسەر ڕۆیشتنی خوێن ئەبێت و دەبێتە هۆی کۆبونەوەی شلە لە کۆتاییەکانی لەشدا وەک دەست و قاچ، دكتۆرە هودا پزیشكی نەخۆشییەکانی ژنان و منداڵبوون له‌م بابه‌ته‌دا ورده‌كاری زیاتر له‌باره‌ی هۆكاره‌كانی ئه‌محاڵه‌ته ده‌خاته ڕوو.
هۆکارەکان:
1ـ زیادبوونی قەبارەی خوێن:
خوێنی زیاتر پێویستە بۆ پشتگیریکردنی کۆرپەی گەشەسەندوو ئەمەش ئەبێتە هۆی کۆبوونەوەی شلە.
2ـ گۆڕانکاری هۆڕمۆنەکان:
هۆڕمۆنەکانی دووگیانی ئەبنە هۆی خاوبوونەوەی دیواری لوولە خوێنەکان ئەمەش ئەبێتە هۆی ئاوسان.
3ـ فشاری منداڵدان:
فراوان بوونی منداڵدان فشار ئەخاتە سەر لوولە خوێنەکان و بەمەش گەڕانەوەی خوێن لە قاچەکانەوە کەم دەکاتەوە و ئەبێتە هۆی کۆبوونەوەی شلە.
کۆمەڵێك ئامۆژگاری بۆ کەمکردنەوەی ئاوسانی دەست و قاچەکان لە ماوەی دووگیانیدا.
1- بەرزکردنەوە:لەکاتی دانیشتندا پێیەکانت بەرز بکەوە.
2ـ خۆ بەدوور گرتن لە وەستانی زۆر
3- ئاوی پێویست بخۆرەوە
خواردنەوەی ئاوی پێویست یارمەتی کەمکردنەوەی کۆبونەوەی شلە ئەدات
4-گۆرەوی پاڵەپەستۆ لەپێ بکە،دەبێتە هۆی باشترکردنی ڕۆیشتنی خوێن و ئاوسان کەم دەکەنەوە.
5ـ وەرزش کردن
6ـ سنووردار کردنی خواردنی خوێ
لەکاتی هەبوونی ئاوسانی کەم ئاساییە بەڵام لە کاتی ئاوسانێکی زۆر و کتوپڕ پێویستە ڕاوێژ بە پزیشکەکەت بکەیت چونکە لەوانەیە ئاماژە بێت بۆ حاڵەتێکی مەترسیدار.
PM:07:18:21/11/2024
ئه‌م بابه‌ته 644
جار خوێنراوه‌ته‌وه