ئه‌گه‌ر پێش نوستن برسیت بوو ئه‌م ژه‌مانه بخۆ
وێستگە ستایل-
خواردنی ژه‌مه‌كان به شه‌و خویه‌كی خراپه، به‌ڵام ده‌كرێت له‌جیاتی ژه‌می قورس ژه‌می ته‌ندروست و سووك بخورێت له‌جیاتی زیان سوودی هه‌بێت بۆ ته‌ندروستی.
به‌گوێره‌ی ئه‌و بابه‌ته‌ی پێگه‌ی"هێلس" بڵاویكردۆته‌وه تیایدا بیرۆكه‌ی چه‌ند ژه‌مێكی سووك و ته‌ندروستی خستۆته ڕوو، هه‌ستكردن به برسێتی پێش نوستن كه‌مده‌كه‌نه‌وه.
1- گێلاسی ترش:
تامێكی خۆشی هه‌یه، له كاتی دره‌نگانی شه‌ودا هه‌ستی برسێتی كه‌مده‌كاته‌وه و به‌هۆیه‌وه له جه‌سته‌دا ئه‌و هۆرمۆنه ده‌رده‌درێت یارمه‌تی مێشك ده‌دات بۆ ئه‌وه‌ی كاتی نوستن ڕێكبخات.
2- كیوی:
ده‌وڵه‌مه‌نده به میلاتۆنین و سیرۆتۆنین، هه‌ردووكیان دوو هۆرمۆنن ڕۆڵی گرنگیان هه‌یه له ڕێكخستنی نوستن و هه‌ستان له‌خه‌و، ده‌وڵه‌مه‌ندن به مادده‌ی دژه ئۆكسێنه‌ر له‌وانه‌ش ڤیتامین Cو E هه‌وكردنی په‌یوه‌ندیدار به كه‌مخه‌وی كه‌مده‌كاته‌وه.
3-ئاردی شۆفان:
یه‌كێك له بژارده باشه‌كان بۆژه‌مێكی سووك له شه‌ودا پێش نوستن، ئه‌و خواردنانه‌یه به ئاردی شۆفان دروستكراوه چونكه ڕیشاڵی باشی تیادایه.
4- سێو له‌گه‌ڵ كه‌ره‌ی باده‌م:
سێو ژه‌مێكی سووكی نایابه به‌تایبه‌ت ئه‌گه‌ر له‌گه‌ڵ كه‌ره‌ی باده‌م تێكه‌ڵاو بكرێت، به‌هاوسه‌نگی چه‌وری و پرۆتین و كاربۆهیدراتی تیادایه.
5-چه‌ره‌س:
ئه‌مه‌ش بژارده‌یه‌كی باشه وه‌ك ژه‌مێكی سووكی شه‌وانه چونكه ده‌وڵه‌مه‌نده به مه‌گنسیۆم و چه‌وری ته‌ندروست.
PM:04:22:01/10/2024
ئه‌م بابه‌ته 7884
جار خوێنراوه‌ته‌وه