لیژنه‌ی‌ بڕیارده‌ی‌ له‌باره‌ی‌ ئه‌م وێنه‌یه‌وه‌ باسیان له‌وه‌ كردوه‌، وێنه‌كه‌ كێبڕكێی له‌گه‌ڵ 60 وێنه‌ی‌ دیكه‌ كردوه‌ و له‌م كێبڕكێیه‌دا 4 هه‌زار وێنه‌گری فۆتۆگرافی به‌شداریان كردوه‌ له‌سه‌رتاسه‌ری جیهان و بابه‌تی وێنه‌كان، جه‌نگ و ململانێی ناوخۆی و كۆچ و گۆڕانی كه‌شوهه‌وا بووه‌.

لیژنه‌كه‌ كه‌ بنكه‌ی‌ سه‌ره‌كی له‌ ئه‌مستردامه‌ ئه‌م فۆتۆیه‌ی‌ ڕۆژنامه‌نوس"سه‌مه‌ر ئه‌بو عه‌وف" یان وه‌ك وێنه‌ی‌ ساڵ دیاریكردوه‌ وێنه‌كه‌ بۆ گۆڤاری"نیویۆرك تایمز" گیراوه‌ و له‌وێش بڵاوكراوه‌ته‌وه‌، منداڵه‌كه‌ ناوی مه‌حمود ه‌ و ته‌مه‌نی 9 ساڵه‌، له‌مانگی 3 ی 2024 پاش هێرشی ئیسرائیل بۆ سه‌ر شاری غه‌ززه‌ و له‌ئه‌نجامی ته‌قینه‌وه‌یه‌ك هه‌ردوو فۆڵی له‌ده‌ستداوه‌، پاش ئه‌م ڕووداوه‌ له‌گه‌ڵ خێزانه‌كه‌ی‌ به‌ره‌و قه‌ته‌ر براون و ئێستا له‌وێ ده‌ژین.

به‌ڕێوبه‌ری جێبه‌جێكاری پێشبڕكێكه‌ ده‌ڵێت" ئه‌م وێنه‌ بێده‌نگه‌، خۆی قسه‌ده‌كات و چیرۆكی منداڵێك ده‌گێڕێته‌وه‌ به‌هۆی جه‌نگه‌وه‌ ده‌سته‌كانی له‌ده‌ستداوه‌، هاوكات ئه‌و جه‌نگه‌ فراوانه‌ی‌ كاریگه‌ری له‌سه‌ر نه‌وه‌كان ده‌بێت له‌داهاتودا"