ڕه‌نگی وه‌نه‌وشه‌یی ئه‌و كاته‌ دروست ده‌بێت كه‌ مێشك ڕووناكی سور و شین تێكه‌ڵاو ده‌كات، زاناكان باس له‌وه‌ ده‌كه‌ن تیشكی سوری بینراو له‌بنه‌ڕه‌تدا 7 ڕه‌نگی سه‌ره‌كییه‌ ئه‌وانیش"سور و پرته‌قاڵی و زه‌رد و شین و نیلی و مۆر" ئه‌گه‌رچی هه‌ندێكجار ڕه‌نگی مۆر به‌ نزیك له‌ وه‌نه‌وشه‌ی‌ باسده‌كرێت به‌ڵام له‌بنه‌ڕه‌تدا مۆر و وه‌نه‌وشه‌یی دوو ڕه‌نگی جیاوازن. 

كاتێك ڕوناكی ده‌گات به‌چاو، خانه‌كانی چاو ئه‌م تیشكانه‌ ده‌گه‌یه‌نن به‌ به‌شی ده‌ماری مێشك په‌یوه‌ست به‌ بینین، لێره‌وه‌ مێشك بڕیار ده‌دات ڕه‌نگه‌كان به‌كام تۆن ببنێت، هه‌ندێكجار له‌م باره‌دا مێشك ئاڵۆز ده‌بێت به‌ڵام بۆ چاره‌سه‌ری ئه‌م ئاڵۆز بوونه‌ مێشك بابه‌ته‌كه‌ چاره‌سه‌ر ده‌كات و ڕه‌نگه‌كه‌ به‌ وه‌نه‌وشه‌ی‌ له‌مێشكدا لێكده‌داته‌وه‌ له‌كاتێك له‌ شه‌پۆله‌كانی تیشكی ڕووناكی ئه‌م ڕه‌نگه‌ بوونی نییه‌.

له‌گه‌ڵ نه‌بوونی وه‌ك ڕه‌نگێكی ڕاسته‌قینه‌ به‌ڵام وه‌نه‌وشه‌یی گرنگی زۆری هه‌یه‌ له‌ نه‌ریتی مرۆڤایه‌تی و وه‌ك هێمایه‌ك بۆ هێز و توانا و نهێنی و جادوو و خۆشگوزه‌رانی ته‌ماشا ده‌كرێت.