زیانەکانی بەکارهێنانی دەرمان بە بێ ڕێنمایی پزیشک
وێستگە ستایل-
بەکارهێنانی دەرمان بەبێ ڕێنمایی دروست دەتوانێت چەندین کاریگەری زیانبەخشی هەبێت، دکتۆر ھاوار پزیشکی پسپۆڕی نەخۆشیەکانی مەمک و غودە و کۆئەندامی هەرس له‌م بابه‌ته‌دا ئاماژه‌ی بۆ كردوه
ئه‌م پزیشكه ده‌ڵێت"زیادەڕۆیی لە بەکارهێنانی دەرمان و زۆر بەکارهێنانی دەبێتە هۆی ژەهراویبوون، تێکچوونی ئەندامەکانی جەستە (بۆ نموونە جگەر، گورچیلە)، یان مردن، بۆ نموونە، زیادەڕۆیی لە پارەستۆڵ دەبێتە هۆی لەکارکەوتنی جگەر. "
کاردانەوەی نەرێنی
1-هه‌ستیاری، سکچوون، سەرگێژخواردن وە کارلێککردن لەگەڵ دەرمان یان خۆراکی تر کاریگەریەکان خراپتر دەکات.
2-بێکاریگەری : ژەمە دەرمانی هەڵە لەوانەیە دەرمانەکە بێکاریگەر بکات و نەخۆشییەکە درێژ بکاتەوە.
3-ئالوودەبوون بە ماددە هۆشبەرەکان، خراپ بەکارهێنانی دەرمانی ئۆپیۆید، هێورکەرەوە، یان هاندەرەکان مەترسی ئالوودەبوون زیاد دەکات.
4-بەرگری: خراپ بەکارهێنانی دەرمانی دژە زیندەیی دەبێتە هۆی بەرگری دەرمان، ئەمەش چارەسەرەکانی داهاتوو قورستر دەکات.
5-کێشەی تەندروستی دەروونی، هەندێک دەرمان لەکاتی خراپ بەکارهێنانیدا دەبنە هۆی گۆڕانی باری دەروونی، دڵەڕاوکێ، یان کێشەی خەوتن.
5-کەموکوڕی لەدایک بوون (لە دووگیانیدا) ،بەکارهێنانی دەرمان بەبێ ڕێنمایی دەبێتە هۆی زیانگەیاندن بە گەشەی کۆرپەلە.
دكتۆر هاوار ڕێنمای هاوڵاتیان ده‌كات هەمیشە پێش خواردنی هەر دەرمانێک ڕاوێژ بە پزیشک بکرێت بۆ ئه‌وه‌ی له زیان و كاریگه‌ریه نه‌رێنیه‌كانی به‌كارهێنانی ده‌رمان دووربین.
PM:07:25:23/01/2025
ئه‌م بابه‌ته 672
جار خوێنراوه‌ته‌وه