تره‌مپ دوباره ده‌بێته‌وه به سه‌رۆك..جلوبه‌رگ و خواردنی تایبه‌ت له كۆشكی سپی ئاماده‌كراوه
وێستگە ستایل-
كاتی دوباره بوونه‌وه‌ی دۆناڵد تره‌مپ به سه‌رۆكی ئه‌مه‌ریكا ئه‌وه‌نده‌ی نه‌ماوه، فه‌رمانبه‌ره‌كانی ناو كۆشكی سه‌رۆكایه‌تی ئاماده‌ن بۆ ڕێكخستنی كاروباره‌كانی خێزانه‌كه‌ی تره‌مپ.
ماسیۆ كۆستیلۆ یه‌كێكه له گه‌وره فه‌رمانبه‌ره‌كانی كۆشكی سپی ده‌ڵێت" له‌گه‌ڵ ڕۆیشتنی خێزانه‌كه‌ی بایدن، فه‌رمانبه‌ره‌كانی ناو كۆشكی سپی به‌بێ وه‌ستان كارده‌كه‌ن بۆ گواستنه‌وه‌ی ته‌واوی كه‌لوپه‌كانی خێزانه‌كه‌ی بایدن و پێشوازی كردن له خێزانه‌كه‌ی تره‌مپ"
پاش سوێندخواردنی تره‌مپ سه‌رۆك ده‌چێته ناو كۆشكی سپی و له‌وێ هه‌موو شتێك ئاماده‌كراوه و ته‌نانه‌ت چێشتخانه‌ی كۆشكی سپی پڕكراوه له خواردنه دڵخوازه‌كانی خێزانه‌كه‌ی تره‌مپ.
له‌گه‌ڵ ده‌ستپێكی ئه‌و ئاهه‌نگه‌ی تیایدا تره‌مپ ده‌بێته‌وه به‌سه‌رۆكی ئه‌مه‌ریكا، له‌ڕێی ئۆتۆمبێلی تایبه‌ته‌وه كه‌لوپه‌لی ناوماڵ ده‌بڕێت بۆ كۆشكی سپی و ئه‌م كاره‌ش له چوارچێوه‌ی پرۆسه‌یه‌كی ئه‌منی به‌هێزدا ئه‌نجامده‌درێت، هاوكات پێش ئه‌م ئاماده‌كاریه كۆشكی سپی به ته‌واوه‌تی خاوێن ده‌كرێته‌وه.
ئێواره‌ی ڕۆژی شه‌ممه تره‌مپ گه‌یشتۆته واشنتن بۆ ئه‌وه‌ی ئه‌م ئێواره‌یه كه به‌كاتی ئه‌مه‌ریكا به‌یانیه پرۆسه‌ی دوباره بونه‌وه به سه‌رۆكی تره‌مپ ئه‌نجامبدرێت و له‌ئێستادا پله‌كانی گه‌رما له ئه‌مه‌ریكا به‌شێوه‌یه‌كی به‌رچاو دابه‌زیوه.
دۆناڵد تره‌مپ له هه‌ڵبژاردنی 5 ی نۆڤه‌مبه‌ری 2024 توانی له هه‌ڵبژاردنه‌كانی وڵاته‌كه‌ی سه‌ركه‌وتوو بێت و دوباره ببێته‌وه به سه‌رۆكی ئه‌مه‌ریكا، ئه‌مجاره‌ش تره‌مپ له‌گه‌ڵ میلانیا ی هاوسه‌ری و ئیڤانكای كچی و جارید كۆشنه‌ری زاوای ده‌بنه‌وه به‌و خێزانه‌ی سه‌رۆكایه‌تی ئه‌مه‌ریكا ده‌كه‌ن.
PM:07:09:20/01/2025
ئه‌م بابه‌ته 440
جار خوێنراوه‌ته‌وه