به‌هۆی بێ پاره‌ییه‌وه جیم كاری ده‌ستكرده‌وه به كاری هونه‌ری
وێستگە ستایل-
ئه‌ستێره‌ی ئه‌مه‌ریكی"جیم كاری" ئاشكرای كردوه بێ پاره‌ی ناچاری كردوه دوباره بگه‌ڕێته‌وه بۆ كاری هونه‌ری و له فیلمی"سۆنیك زه هێد جۆگ3" ڕۆڵ ببینێت، ئه‌مه‌ش پاش 2 ساڵ دێت له‌وه‌ی وازی له‌كاری نواندن هێناوه.
ساڵی 2022 كاری ئاشكرای كرد چیتر كاری هونه‌ری ناكات ئه‌مه‌ش به‌ته‌واوه‌تی پاش كۆتای هاتنی وێنه‌گرتنی فیلمی "سۆنیك زه هیدجۆگ2" بوو كه تیایدا ڕۆڵی كه‌سایه‌تیه‌كی شه‌ڕه‌نگێزی بینیوه، له‌وكاته‌دا له‌ڕێی لێدوانێكی ڕۆژنامه‌نوسیه‌وه باسی له‌وه كردبوو سیناریۆی نوسراو به ئاڵتونیان بۆ بردوه به‌ڵام له‌به‌ر ئه‌وه‌ی پێویستم به پشوه چیتر كارناكه‌م و دوور ده‌كه‌ومه‌وه.
به‌ڵام پێده‌چێت پشوه‌كه‌ی ئه‌م ئه‌ستێره‌یه درێژه‌ی نه‌كێشابێت، له دیمانه‌یه‌كی تایبه‌ت به گۆڤاری"ڤاریتی" باسی له‌وه كردوه به‌شداری به‌شی سێهه‌می ئه‌و فیلمه ده‌كات كه ساڵی 2022 له به‌شی دوه‌میدا به‌شداری كردوه، هۆكاره‌كه‌ش گه‌ڕاندۆته‌وه بۆ ئه‌وه‌ی له فیلمه‌كه‌دا ڕۆڵی كه‌سایه‌تیه‌كی زۆر زیره‌كی پێدراوه و ئه‌وه‌ش چێژبه‌خش ده‌بێت بۆی، هاوكات له‌م ماوه‌یه‌دا كه‌لوپه‌لی زۆری كڕیوه و پێویستی به پاره هه‌یه.
ساڵی 2023 كاری ماڵه‌كه‌ی له لۆس ئه‌نجلس بۆ فرۆشتن نمایش كرد كه ماوه‌ی 30 ساڵ تیایدا ژیا بوو، له‌سه‌ره‌تادا نرخی 29 ملیۆن دۆلاری له‌سه‌ر دانا به‌ڵام پاش دوو ساڵ ته‌نها 19.75 ملیۆن دۆلاری كرد.
AM:11:54:14/12/2024
ئه‌م بابه‌ته 904
جار خوێنراوه‌ته‌وه