ده‌ستنوسێكی كافكا به نرخێكی خه‌یاڵی فرۆشرا
وێستگە ستایل-
ده‌ستنوسێكی نوسه‌ری چیكی" فرلنز كافكا" له مه‌زادێكی ئاشكرا له شاری هامبۆرگ به نرخی 286 هه‌زار یۆرۆ واته نزیكه‌ی 298 هه‌زار دۆلار فرۆشرا.
كافكا نوسه‌رێكی وڵاتی چیك ه ساڵی 1883 له براگ له‌دایكبووه، به زمانی ئه‌ڵمانی بابه‌ته‌كانی نوسیوه و كاره‌كانی به بابه‌تێكی واقعی و ڕاستی وه‌سف ده‌كرێت.
كافكا چه‌ندین كورته چیرۆكی نوسیوه و ژماره‌یه‌ك چیرۆكی به‌ناوبانگی هه‌یه و سه‌ده‌یه‌ك پاش مردنی ده‌ستنوسه ڕه‌سه‌نه‌كانی فرۆشراوه‌ته‌وه له مه‌زادێكی ئاشكرادا له شاری هامبۆرگ له ئه‌ڵمانیا.
ئه‌م ده‌ست نوسه‌ی كافكا كه فرۆشراوه پێكهاتوه له كورته چیرۆكێك و نامه‌یه‌ك كه له 3 لاپه‌ڕه پێكهاتوه و مێژوه‌كه‌ی ده‌گه‌ڕێته‌وه بۆ ساڵی 1922 و نامه‌كه نێردراوه بۆ كه‌سێك به‌ناوی"هاتز ماردرشتایج"، كافكا به‌هۆی توشبوونی به نه‌خۆشی سیل له مانگی یۆنیۆی ساڵی 1924 له‌ته‌مه‌نی 40 ساڵیدا كۆچی دوایكردوه.
PM:08:08:24/11/2024
ئه‌م بابه‌ته 680
جار خوێنراوه‌ته‌وه