له‌ماوه‌ی 5 خوله‌كدا مۆزێك به نرخێكی خه‌یاڵی فرۆشرا
وێستگە ستایل-
ملیاردێرێكی چینی ئه‌و مۆزه‌ی كڕی كه ده‌وترێت"گرانترین مۆزی جیهانه" له مه‌زادی سۆزبیز له نیویۆرك.
به‌گوێره‌ی ئه‌و هه‌واڵه‌ی گۆڤاری"نیویۆرك تایمز" بڵاویكردۆته‌وه تیایدا ئاماژه بۆ ئه‌وه كراوه پیاوێكی خاوه‌نكاری چینی كارێكی هونه‌ری هونه‌رمه‌ندی ئیتاڵی"مۆریزیۆ كاتیلان" ی كڕیوه‌ته‌وه به‌ناویشانی"كۆمیدی" كاره‌كه ده‌گه‌ڕێته‌وه بۆ ساڵی 2019 ئه‌ویش بریتیه له مۆزێك كه به شوێنی تابلۆیه‌كه‌وه لكێندراوه.
له ڕاپۆرته‌كه‌ی نیویۆرك تایمزدا هاتوه، مۆزه‌كه به تیپێك لكێندراوه به جێگای تابلۆیه‌كه‌وه و له‌گه‌ڵیدا ڕێنمایی تایبه‌ت به چۆنیه‌تی گۆڕینی مۆزه‌كه هه‌یه هه‌ركات كه‌ڕوی كرد"
پرۆسه‌ی فرۆشتنی تابلۆی ئه‌م مۆزه له‌ماوه‌ی 5 خوله‌كدا كۆتایی هاتووه، پیاوێكی به بنه‌چه چینی به‌ناوی" جاستن سه‌ن" توانیویه‌تی له‌ناو 6 كه‌سدا سه‌ركه‌وتوو بێت له‌كڕینی ئه‌م مۆزه هه‌ڵواسراوه، به نرخی 6.24 ملیۆن دۆلار، ئه‌وه‌ش له‌كاتێكدایه پسپۆڕان پێشینی ئه‌وه‌یان كردوه ئه‌م پارچه‌یه به بڕی نیو ملیۆن دۆلار و نیو بفرۆشرێت.
PM:07:08:21/11/2024
ئه‌م بابه‌ته 5404
جار خوێنراوه‌ته‌وه