فەرمی.. یاریزانێكی ریاڵ مەدرید یانەكەی جێهێشت
وێستگە سپۆرت-
بەشێوەیەكی فەرمی ئەلڤارۆ ئۆدیرۆزولای بەرگریكاری یانەی ریاڵ مەدرید یانەكەی جێهیشت ورویكردە یانەی بایرن میونخی ئەڵمانی .
لە بەیاننامەیەكی فەرمیدا یانەی بایرن میونخ ئاماژەی بەوە كردووە كە لەگەڵ یانەی ریاڵ مەدرید گەیشتونەتە رێكەوتن و ئۆدیرۆزولای بەگریكاری ئەو یانە ئیسپانیەیان بە خواستن و تا كۆتایی وەرز گواستۆتەوە یانەكەیان .
لای خۆشیەوە یانەی شاهانە لە بەیاننامەیەكی فەرمیداباسی ئەوەی كردووە كە بە خواستن یاریزانەكەیان داوەتە یانەی باڤارییەكە بەڵام هاوینی داهاتوو دەیگەرێننەوە و یانەی بایرن میونخ مافی كڕینی یەكجاری یاریزانەكەی نییە .
ئۆدیرۆزولا لە هاوینی 2018 لە یانەی ریاڵ سۆسیدادەوە رویكردە یانەی ریاڵ مەدرید بەرامبەر 30 ملیۆن یۆرۆ بەڵام نەیتوانیوە متمانەی زیدان بەدەستبهێنێت .
PM:02:38:22/01/2020
ئه‌م بابه‌ته 12176
جار خوێنراوه‌ته‌وه