‌بەرپرسانی بەرشەلۆنە بۆ ئەستێرەیەك: جێگەیەك لە كامپنۆ بۆ تۆ هەیە

وێستگە سپۆرت-

بەرپرسانی بەرشەلۆنە پەیوەندیان بە كای هاڤێرتزی ئەڵمانی وئەستێرەی یانەی بایەرلیڤەركوزنەوە كردووە و پێیان راگەیاندووە كە جێگەیەك بۆ تۆ لە كامپنۆ هەیە.

رۆژنامەی سپۆرتی كەتەلۆنی ئەمڕۆ پێنجشەممە ئاماژەی بەوەكردووە كە شەوی رابردوو بەرشەلۆنە چەند نوێنەرێكی ناردووە بۆ ئامادەبون لە یاری نێوان ئەتلەتیكۆ مەدرید و بایەرلیڤەكوزن تا ئەوەی لە نزیكەوە ئامادەیی بینینی یاری كای هاڤێرتز بن . 

ئەو سەرچاوەیە باس لەوەش دەكات كە بەرپرسانی بەرشەلۆنە دەزانن كە گرێبەستكردن لەگەڵ ئەو یاریزانە ئاسان نییە بەو پێیەی یانەكانی مان یونایتد و بایرن میونخش گرنگی پێدەدەن ، بەڵام رۆژنامەكە دەڵێت بەرپرسانی بەرشەلۆنە پەیوەندیان بەو یاریزانەوە كردووە وپێیان وتووە جێگەیەك بۆ تۆ لە كامپنۆ هەیە .

لە كۆتایشدا سپۆرت باس لەوە دەكات كە نرخی كای هاڤێرتز لە ئێستادا نزیكە 100 ملیۆن یۆرۆیە . 


PM:03:26:07/11/2019


ئه‌م بابه‌ته 21864 جار خوێنراوه‌ته‌وه‌‌