قادیسییه له هیلالى برده‌وه
وێستگە سپۆرت-
یانه‌ى قادیسییە بە دوو گۆڵ بەرامبەر بە گۆڵێک شکستی بە هیلالی پێشەنگ هێنا.
لە یارییەکانی هەفتەی 17یەمی خولی سعودیە، قادیسییە لە یاریگای خۆیدا میوانداری هیلالی کرد.
لە تایمی یەکەم، هەر لەگەڵ دەستپێک و لە خولەکی دوو ئۆبامیانگ گۆڵی یەکەمی خاوەن یاریگای تۆمارکرد، پاش ئەو گۆڵەش قادیسییە هێرشەکانی مەترسیدارتربوون بەڵام سەرکەوتوو نەبوون لە دووبارە گۆڵ تۆمارکردن.
لە تایمی دووەم، هیلال باشتر هاتنەوە نێو یاریگا و لە خولەکی 50ش لەرێگای لیۆناردۆوە گۆڵی یەکسانیان تۆمارکرد، پاش ئەوەش چەندین هەل بینرا لەلایەن هەردوولاوە، وە لە خولەکی سێی کاتی زیادکراویش هەوڵەکان گۆڵی لێکەوتەوە کاتێک ئۆبامیانگ دووەم گۆڵی خۆی و یانەکەی تۆمارکرد.
سەرەنجام یارییەکە بە بردنەوەی قادیسییە کۆتایی پێهات و خاڵەکانی بۆ 37 خاڵ بەرزکردەوە و لە پلەی سێیەم دێت، هیلالیش 43 خاڵی هەیە و لە پلەی یەکەم دێت بە جیاوازی گۆڵ لە پێش ئیتیحاد.
AM:10:35:28/01/2025
ئه‌م بابه‌ته 140
جار خوێنراوه‌ته‌وه