بەرشەلۆنە یاریزانێکى ئارسیناڵ دەکاتە جێگرەوەى دی یۆنگ
وێستگە سپۆرت-
یانەى بەرشەلۆنەى ئیسپانى دەیەوێت تۆماس پارتى بکاتە جێگرەوەى فرینکى دی یۆنگ.
بەگوێرەی هەواڵێک کە ڕۆژنامەی مۆندۆ دیپۆرتیڤۆی کەتەلۆنی بڵاویکردووەتەوە، یانەی بەرشەلۆنە ئامانجی گواستنەوەی تۆماس پارتی ئەستێرەی یانەی ئارسناڵە لە ئەگەری پشتڕاستکردنەوەی ڕۆیشتنی فرێنکی دی یۆنگ.
ڕۆژنامەکە کە نزیکە لە بەرشەلۆنە، ئاماژەی بەوەکردووە، یانەکە بڕیاری ڕزگارکردنی لە دی یۆنگ دەدات، ئەگەر ئاستەکەی لە یارییەکانی داهاتوودا لە نیوەی دووەمی ئەم وەرزەدا باشتر نەبێت.
لە ڕاپۆرتەکەدا ئاماژە بەوە کراوە کە یانەى بەرشەلۆنە پارتی بە بژاردەیەکى باش دەزانێت بە لەبەرچاوگرتنی توانا جەستەیی و تەکنیکییە نایابەکانی، ئەستێرە لاوەکەش ئەزموونێکی گەورەی هەیە لە خولی ئیسپانیا دوای ئەزموونی پێشووی لەگەڵ ئەتلەتیکۆ مەدرید.
هەروەها پارتێی توانای یاریکردنی وەک یاریزانێکی سەرەکی هەیە، هەروەها توانای یاریکردنی وەک بەرگریکاری ڕاستی هەیە.
گرێبەستەکەی پارتێی لەگەڵ ئارسناڵ لە کۆتایی ئەم وەرزەدا کۆتایی دێت، واتە گواستنەوەکەی بەخۆڕایی دەبێت، ئەمەش لەگەڵ توانا ئابوورییەکانی بەرشەلۆنەدا یەکدەگرێتەوە.
AM:10:51:31/12/2024
ئه‌م بابه‌ته 440
جار خوێنراوه‌ته‌وه