ئه‌تله‌تیك بیلباو پێكانی نیکۆ ویلیامزی ڕاگه‌یاند
وێستگە سپۆرت-
یانەی ئه‌تله‌تیك بیلباو پێكانی نیکۆ ویلیامزی ئیسپانی و هێرشبه‌ری یانەکەی ڕاگه‌یاند.
لە ماڵپەری تایبەت بە خۆی لە پلاتفۆڕمی "ئێکس" یانەی ئەتلەتیک بیلباو بڵاوی کردەوە، نیکۆ ویلیامزی یاریزانی یانەکەی تووشی پێکان هاتووە.
یانە ئیسپانییەکە باسی لەوەش کردووە، ویلیامز لە پاژنەی قاچی چەپیدا تووشی پێکان بووە و نەیتوانیوە بەشداری لە مەشقە بە کۆمەڵەکانی یانەکە بکات.
بیلباو ماوەی دوورکەوتنەوەکەی نیکۆ ویلیامزی ئاشکرا نەکردووە و ئەوەی خستۆتە ڕوو پشکنینی زیاتر بۆ هێرشبەرەکەیان ئەنجام دەدەن تاوەکو ئەوەی ماوەی دوورکەوتنەوەکەی لە یاریگاکان دیاریی دەکرێت.
هەر لە بڵاوکراوەکەدا یانەی ئەتلەتیک بیلباو ئاماژەی بەوە کردووە، نیکۆ ویلیامز بۆ یاریی بەرانبەر بەرشەلۆنە لە جامی سوپەری ئیسپانیا کە بڕیارە چوارشەممە کاتژمێر 10ی شەو لە وڵاتی سعودییە بەرێوە بچێت ناتوانێت بەشداری بکات.
PM:07:59:07/01/2025
ئه‌م بابه‌ته 44
جار خوێنراوه‌ته‌وه