نه‌وزاد شێرزاد گه‌ڕایه‌وه یانه‌ى هه‌ولێر
وێستگە سپۆرت-
نه‌وزاد شێرزادى ئه‌ستێره‌ى تۆپى باله‌ى كوردستان و عێراقیش دواى چه‌ند وه‌رزێك یارى كردن له یانه‌كانى ناوه‌ڕاستى عێراق ، گه‌ڕایه‌وه بۆ یانه‌ى هه‌ولێر.
نه‌وزاد شێرزاد پێش ئه‌وه‌ى به فه‌ڕمى بگه‌ڕێته‌وه یانه‌ى هه‌ولێر ، به خۆبه‌خشى یارى بۆ تیپه‌كه‌ى كرد له خولى یانه پاڵه‌وانه‌كانى ئاسیا و وه‌ك كاپتنى یانه‌ى هه‌ولێر ده‌ركه‌وت.
نه‌وزاد شێرزاد له دایك بووى ساڵى 1990 ى شارى هه‌ولێره و له یانه‌ى هه‌ولێر ده‌ستى به یاریكردن كردووه ، دواى چه‌ندین وه‌رز یارى كردن بۆ یانه‌كه ، ئه‌زمونى پیشه‌گه‌رى هه‌ڵبژارد و ڕووى له یانه‌كانى شوڕته و پێشمه‌رگه‌ى سلێمانى و جه‌یش كرد ، له هه‌ر یانه‌یه‌كیش یارى كردبێت ڕوڵى سه‌ركرده‌ى تیپه‌كه‌ى بینیوه و دواى چه‌ند وه‌رزێك یاریكردنیش له یانه‌كانى ناوه‌ڕاستى عێراق ، گه‌ڕانه‌وه‌ى بۆ یانه‌ى دایك ڕاگه‌یاند.
AM:11:34:28/07/2022
ئه‌م بابه‌ته 1932
جار خوێنراوه‌ته‌وه